பிரபல நடிகர் ஹம்சவிர்தனின் மனைவி கொரோனாவால் மரணம்..!

மறைந்த பழம்பெரும் நடிகர் ரவிச்சந்திரனின் மகன் ஹம்சவர்தன். இவரது மனைவி கொரோனா தொற்றால் பாதிக்கப்பட்டு மருத்துவமனையில் சிகிச்சை பெற்று வந்த நிலையில், உயிரிழந்துள்ளது திரையுலகினர் மத்தியில் அதிர்ச்சியை ஏற்படுத்தியுள்ளது.

ஹம்சவர்தன் தமிழில், கடந்த 1999 ஆம் ஆண்டு மானசீக காதல் என்கிற படத்தின் மூலம் அறிமுகமானவர். இதை தொடர்ந்து, 'புன்னகை தேசம்', 'ஜூனியர் சீனியர்', உள்ளிட்ட ஒரு சில படங்களில் மட்டுமே நடித்தார். இந்நிலையில் இவரது மனைவியும், மறைந்த நடிகர் ரவிச்சந்திரனின் மருமகளுமான, நடிகர் ஹம்சவிர்தன் மனைவியுமான சாந்தி ஹம்சவிர்தன் (42)  காலமானார். 

இவருக்கு இரண்டு மகன்கள் மற்றும் ஒரு மகள் இருக்கின்றனர். கடந்த மாதம் சாந்திக்கு கொரோனா பாதிப்பு ஏற்பட்டு மருத்துவமனையில் சிகிச்சை பெற்று வந்தார். கொரோனா  நெகடிவ் ஆனபிறகும் சாந்திக்கு மூச்சு விடுவதில் சிரமம் இருந்ததால் தொடர்ந்து சிகிச்சை பெற்று வந்தார். இந்நிலையில் நேற்று மாலை சிகிச்சை பலனின்றி அவர் உயிர் இழந்தார். 

தேனாம்பேட்டையில் உள்ள அவரது இல்லத்திற்க்கு சாந்தியின் உடல் கொண்டு வரப்பட்டு இன்று மதியம் 2:30மணிக்கு பெசன்ட்நகர் மின் மயானத்தில் தகனம் செய்யப்பட உள்ளதாக அவரது குடும்பத்தினர் தெரிவித்துள்ளனர்.