நடிகர் விஜயகாந்த் நீண்ட இடைவெளிக்கு பின்னர், மீண்டும் திரைப்படத்தில் நடிக்க உள்ளதாக கூறப்படும் தகவல் தற்போது தீயாக பரவி வருகிறது.
நடிகர் விஜயகாந்த் நீண்ட இடைவெளிக்கு பின்னர், மீண்டும் திரைப்படத்தில் நடிக்க உள்ளதாக கூறப்படும் தகவல் தற்போது தீயாக பரவி வருகிறது.
நடிகரும், தேமுதிக தலைவருமான விஜயகாந்த் ஹீரோவாக நடித்து கடைசியாக 'எங்கள் ஆசான்' படம் வெளியானது. இதை தொடர்ந்து தீவிர அரசியலில் கவனம் செலுத்தி வந்ததால், அவரால் மற்ற படங்களில் நடிக்க முடியாமல் போனது. பின்னர் மகன் சண்முக பாண்டியன் நடித்த ’சகாப்தம்’ என்ற திரைப்படத்தில் சிறப்பு தோற்றத்தில் நடித்திருந்தார். இதை தொடர்த்து மீண்டும் மகனுடன் 'தமிழன் என்று சொல்லடா ' என்கிற படத்தில் நடிப்பார் என தகவல் வெளியான நிலையில், அந்த படத்தின் பணிகள் அப்படியே கை விடப்பட்டது.
மேலும் செய்திகள்: Biggboss Tamil 5: இது என்ன சோதனை.. இந்த வாரம் பிக்பாஸ் வீட்டை விட்டு வெளியேறுவது இவரா? வெளியான ஷாக்கிங் தகவல்
இந்நிலையில் நடிகர் விஜயகாந்துக்கு, கடந்த 2014ம் ஆண்டு நடந்து முடிந்த நாடாளுமன்ற தேர்தலின் போது, திடீர் என உடல்நலக் குறைவு ஏற்பட்டது. இதை தொடர்ந்து பல்வேறு சிகிச்சைகள் எடுத்த பின்னரும், அவரது உடல் நிலை மோசமாகிக்கொண்டே சென்றதால், மனைவி, பிரேமலதா, மற்றும் மகன்களுடன் சிங்கப்பூர் சென்று சிகிச்சை எடுத்தார். இதில் அவரது உடல்நிலையில் நல்ல முன்னேற்றம் ஏற்பட்டது.
மேலும் செய்திகள்: Biggboss Priyanka: சின்ன வயசுலேயே செம்ம அழகு... வைரலாகும் பிக்பாஸ் பிரியங்காவின் போட்டோ!
தற்போது சீரான உடல்நிலையுடன் விஜயகாந்த் இருந்தாலும், அவ்வப்போது சென்னையில் உள்ள பிரபல தனியார் மருத்துவமனையில் மாதாந்திர உடல் பரிசோதனைகள் மேற்கொண்டு வருகிறார். மேலும் சமீபத்தில் கூட துபாய்க்கு சென்று சிகிச்சை பெற்று திரும்பினார். எனவே முன்பை விட, நன்கு உடல் நலம் தெரியுள்ள விஜயகாந்த் விரைவில் ஒரு படத்தில் சிறப்பு வேடத்தில் நடிக்க உள்ளதாக தகவல் வெளியாகியுள்ளது.
தொடர்ந்து வித்தியாசமான கதையம்சம் கொண்ட படங்களை தேர்வு செய்து நடித்து வரும் விஜய் ஆண்டனி நடிப்பில், விஜய் மில்டன் இயக்கத்தில் உருவாகி வரும் ’மழை பிடிக்காத மனிதன்’ என்ற திரைப்படத்தில் தான விஜயகாந்தை சிறப்பு தோற்றத்தில் நடிக்க வைக்க பேச்சு வார்த்தை நடந்து வருவதாக கூறப்படுகிறது. விஜயகாந்த் நடிப்பது தற்போது வரை உறுதி செய்யப்படவில்லை என்றாலும், இந்த செய்தியே அவரது ரசிகர்களை உச்சாகமடைய வைத்துள்ளது.
மேலும் செய்திகள்: Anikha surendran: பேன்ட் என்ன இப்படி தாறுமாறா கிழிஞ்சி தொங்குது? 17 வயசு ஆனதுமே அட்ராசிடியை ஆரம்பித்த அனிகா!!
இந்த படத்தில் விஜய் ஆண்டனிக்கு ஜோடியாக மேகா ஆகாஷ் நடித்து வருகிறார். மேலும் இப்படத்தில் சரத்குமார், சரண்யா பொன்வண்ணன், தலைவாசல் விஜய் உள்பட பலர் நடிக்கின்றனர். விஜயகாந்த் இந்த படத்தில் சிறப்பு வேடத்தில் நடிக்க உள்ளதாக வெளியாகியுள்ள தகவல் தீயாக பரவி வருகிறது.