மூன்று இசையமைப்பாளர்கள் இணையும் விஜய் சேதுபதியின் 'மாமனிதன்'..!

3 music directors join in vijaysethupathi maanithan

விஜய் சேதுபதி:

'தர்மதுரை' படத்தை தொடர்ந்து நடிகர் விஜய் சேதுபதி, இயக்குனர் சீனு ராமசாமியுடன் கைகோர்த்துள்ள திரைப்படம் 'மாமனிதன்'. இவர்களது கூட்டணியில் வெளிவந்த 'தர்மதுரை' திரைப்படம் 100 நாட்களை கடந்து ஓடி சதனைப்படைத்ததால் இந்த படத்தின் மீதும் ரசிகர்களுக்கு ஏகப்பட்ட எதிர்பார்ப்புகள் நிலவி வருகிறது.

3 இசையமைப்பாளர்கள்:

இந்த படத்தில், பத்மவிபூஷன் விருது பெற்று வாழ்த்து மழையில் நனைந்து வரும் இசைஞானி இளையராஜாவுடன் அவரது மகன்கள் யுவன் சங்கர் ராஜா மற்றும் கார்த்திக் ராஜா ஆகியோரும் இணைந்து பணியாற்ற உள்ளததாக கூறப்படுகிறது.

தயாரிப்பு:

இயக்குனர் சீனு ராமசாமி இயக்கத்தில் விஜய் சேதுபதி நடிக்கும் 'மாமனிதன்' படத்தை இசையமைப்பாளர் யுவன் சங்கர் ராஜாவின் தயாரிப்பு நிறுவனம் தயாரிக்க உள்ளது. 

மற்ற தகவல்கள்:

தற்போது படத்தின் பெயர், ஹீரோ, தயாரிப்பு நிறுவனம், மற்றும் இசையமைப்பாளர்கள் தகவல்களை மட்டும் வெளியிட்டுள்ள படக்குழு விரைவில் இந்த படத்தில் நடிக்க உள்ள மற்ற நடிகர் நடிகைகள் குறித்த தகவலை வெளியிடுவார்கள் என எதிர்பார்க்கப்படுகிறது.