☰
அமெரிக்க அதிபர் டொனால்ட் டிரம்ப் வெளிநாட்டு வாகனங்களுக்கு 25% வரி விதித்துள்ளார். இது இந்தியாவின் வாகன உதிரிபாக ஏற்றுமதிக்கு மறைமுகமாக பாதிப்பை ஏற்படுத்தும்.
அமெரிக்க அதிபர் டொனால்ட் டிரம்ப் வெளிநாட்டிலிருந்து இறக்குமதி செய்யப்படும் முழுமையான வாகனங்கள் மற்றும் வாகனங்களின் முக்கிய உதிரிபாகங்களுக்கு 25% வரி விதித்துள்ளார்.
இதன் மூலம் சர்வதேச வாகனத் தொழிலுக்கு பெரும் பாதிப்பை ஏற்படுத்தியுள்ளார். அமெரிக்காவில் ஆட்டோமொபைல் தொழிலை புதுப்பித்து அதிக வேலை வாய்ப்புகளை உருவாக்கும் நோக்கத்துடன் இந்த வரி விதிக்கப்பட்டுள்ளது. இது ஜப்பான், ஐரோப்பிய நாடுகள் உட்பட உலக அளவில் அதிர்ச்சியை ஏற்படுத்தியுள்ளது. இந்த புதிய வரி ஏப்ரல் 3 முதல் அமலுக்கு வரும் என்று எதிர்பார்க்கப்படுகிறது.
அமெரிக்காவில் உற்பத்தி செய்யப்படாத வாகனங்களுக்கு 25% வரி விதிக்கவுள்ளோம். நம் நாட்டில் வியாபாரம் செய்து பல ஆண்டுகளாக நம் மக்களின் வேலைவாய்ப்பையும், செல்வத்தையும் எடுத்துச் செல்பவர்களுக்கு வரி விதிக்க முடிவு செய்துள்ளோம் என்று டிரம்ப் கூறியுள்ளார். இந்த வரி குறித்து எந்த பேச்சுவார்த்தையும் இல்லை என்றும் டிரம்ப் திட்டவட்டமாக தெரிவித்துள்ளார். இதன் மூலம் அமெரிக்காவிற்கு ஆண்டுக்கு 8.5 லட்சம் கோடி வருவாய் கிடைக்கும் என எதிர்பார்க்கப்படுகிறது.
மற்ற நாடுகளுடன் ஒப்பிடுகையில் அமெரிக்காவிற்கு இந்தியாவின் வாகன ஏற்றுமதி மிகவும் குறைவு. 2024 ஆம் ஆண்டில் அமெரிக்காவிற்கு இந்தியாவிலிருந்து 72 கோடி ரூபாய் மதிப்பிலான பயணிகள் கார்கள் ஏற்றுமதி செய்யப்பட்டுள்ளன. நாட்டிலிருந்து மொத்தம் 60 லட்சம் கோடி ரூபாய் மதிப்பிலான வாகனங்கள் ஏற்றுமதி செய்யப்படுகின்றன. அதாவது வெறும் 0.13% கார்கள் மட்டுமே அமெரிக்காவிற்கு ஏற்றுமதி செய்யப்படுகின்றன.
23 கிமீ மைலேஜ் தரும் 8 சீட்டர் கார்கள்.. 7 பேருக்கும் மேல டிராவல் பண்ணலாம்!
மேலும் இந்தியாவிலிருந்து 107 கோடி ரூபாய் மதிப்பிலான டிரக்குகள் அமெரிக்காவிற்கு ஏற்றுமதி செய்யப்படுகின்றன. இது சர்வதேச சந்தைக்கு இந்தியாவின் டிரக் ஏற்றுமதியில் 0.89% ஆகும் என்று கூறப்படுகிறது. ஆனால் நாட்டின் வாகன உதிரிபாக தொழிலுக்கு மறைமுக பாதிப்பு ஏற்படும் வாய்ப்புள்ளது. அறிக்கைகளின்படி இந்தியா 2023 ஆம் ஆண்டில் 12,850 கோடி ரூபாய் மதிப்பிலான ஆட்டோ உதிரிபாகங்களை அமெரிக்காவிற்கு ஏற்றுமதி செய்துள்ளது.
புதிய வரி விதிப்பால் இந்தியாவில் இருந்து ஆட்டோ உதிரிபாகங்களை வாங்குவது அமெரிக்க நிறுவனங்களுக்கு அதிக செலவாகும். இதன் விளைவாக தேவை குறையலாம். அப்போது வேறு வழியின்றி இந்தியா ஏற்றுமதிக்காக மற்ற நாடுகளை நோக்கி திரும்ப வேண்டியிருக்கும் என்று கூறப்படுகிறது.
டாடா மோட்டார்ஸ், ஐச்சர் மோட்டார்ஸ், சோனா பிஎஸ்டபிள்யூ மற்றும் சம்வர்தன் மதர்சன் ஆகிய நிறுவனங்களுக்கு 25% வரி பாதிப்பை ஏற்படுத்தும் என்று ஆட்டோமொபைல் துறையை சேர்ந்தவர்கள் கூறுகின்றனர்.
பெட்ரோல் பங்க்கில் இத்தனை இலவச வசதிகள் இருக்கா? மறக்காம நோட் பண்ணுங்க!
சேனலை கிளிக் செய்து பின்தொடரவும்