டாடா சியரா vs கர்வ் – எந்த எஸ்யூவியை வாங்குவது சரி.?
சுருக்கம்
வலிமையான எஸ்யூவி தோற்றம் கொண்ட சியாரா மற்றும் கூபே-ஸ்டைல் வடிவமைப்பு கொண்ட கர்வ் ஆகிய இரண்டின் முக்கிய வேறுபாடுகளை பார்க்கலாம்.
டாடா மோட்டார்ஸ் தனது சியாரா மாடலை சுமார் 30 ஆண்டுகளுக்குப் பிறகு நவீன வடிவில் மீண்டும் அறிமுகப்படுத்தியுள்ளது. 1991-ல் வெளியான பழைய சியாரா மூன்று-கதவு வடிவமைப்பு மற்றும் 'கிளாஸ்-பேக்' பின்புறம் புகழ்பெற்றது. மீண்டும் வந்துள்ள புதிய சியரா, அந்த கிளாசிக் அடையாளத்தை நவீன எஸ்யூவி வடிவில் புத்துயிர் பெற்றுள்ளது. இதே நேரத்தில், டாடாவின் மற்ற மாடலான கர்வும் சந்தையில் பெரும் வரவேற்பைப் பெற்று வருகிறது. இதனால் வாடிக்கையாளர்களுக்கு எழும் முக்கிய கேள்வி — "சியராவா? கர்வ்வா? இதில் எது பெஸ்ட் என்பதை பார்க்கலாம்.
சியாரா: பாரம்பரிய தோற்றமும் வலிமை கொண்ட SUV
புதிய சியரா, முந்தைய தலைமுறையின் வடிவமைப்பு சாராம்சத்தை தக்கவைத்தபடியே, பெரிய மற்றும் வலுவான எஸ்யூவி தோற்றத்துடன் உள்ளது.
- பெரிதான உடல் அமைப்பு
- உயரமான கிரவுண்ட் கிளியரன்ஸ்
- விசாலமான கேபின்
- ரஃப்–டஃப் எஸ்யூவி உணர்வு
நகருக்கு வெளியிலும், கடினமான சாலைகளிலும் சாதுவாக செயல்படும் வலிமை கொண்ட பாரம்பரிய எஸ்யூவியை விரும்புவோருக்கு சியாரா சிறந்த தேர்வு.
கர்வ்: நவீன வடிவமைப்பு
டாடா கர்வ் முற்றிலும் நவநாகரீகமான கூபே-ஸ்டைல் வடிவமைப்பில் உருவாக்கப்பட்டுள்ளது.
- ஸ்லோப்பிங் ரூஃப்லைன்
- கூர்மையான பேனல் லைன்கள்
- ஈரோடைனமிக் உடல் அமைப்பு
- மாடர்ன் ஃபினிஷ்
பிரபலமான கிரெட்டா, செல்டோஸ் போன்றவை மாடல்களை விரும்புவோர், ஆனால் இன்னும் ஸ்டைலான ஒன்றை எதிர்பார்ப்போர் கர்வை தேர்வு செய்கிறார்கள்.
சியாரா யாருக்காக?
- அதிக இடவசதியை விரும்புபவர்கள்
- வலுவான, பாரம்பரிய எஸ்யூவி ஃபீல் தேடுபவர்கள்
- குடும்பம், நீண்ட பயணங்கள், கடின சாலைகள் — அனைத்திற்கும் பொருத்தமானது
கர்வ் யாருக்காக?
- நகர்ப்புற இளைஞர்கள் மற்றும் ஸ்டைல்-கான்ஷியஸ் வாடிக்கையாளர்கள்
- கூபே-எஸ்யூவி டிசைனை விரும்புபவர்கள்
- ஐசரி தோற்றத்தையும் நவீன அனுபவத்தையும் விரும்புவோர்
முக்கிய வேறுபாடுகள்
கர்வ் – வடிவமைப்பு, ஸ்டைல் மற்றும் நவீனத்துவத்தை முன்னிலைப்படுத்துகிறது.
சியரா – வலிமை, பாரம்பரியம், எஸ்யூவி தன்மையை பிரதிபலிக்கிறது.