புடினின் Ghost Train : ஆடம்பர ரயிலின் மறைக்கப்பட்ட விவரங்கள் கசிந்தது.. இத்தனை வசதிகளா?
By Ramya s | First Published Jul 11, 2023, 3:20 PM IST22 பெட்டிகள்கொண்ட “பேய் ரயில்” (Ghost Train) என்று கூறப்படும் இந்த ரயிலின் ஆடம்பரமான உட்புறத்தின் புகைப்படங்கள் தற்போது கசிந்துள்ளளன.
ரஷ்ய அதிபர் விளாடிமிர் புடினை தவிர வேறு யாரும் பயன்படுத்தாத ஆடம்பர சிறப்பு ரயில் ஒன்று ரஷ்யாவில் இயங்கி வருகிறது. 22 பெட்டிகள்கொண்ட “பேய் ரயில்” (Ghost Train) என்று கூறப்படும் இந்த ரயிலின் ஆடம்பரமான உட்புறத்தின் புகைப்படங்கள் தற்போது கசிந்துள்ளளன. சமீபத்தில் லண்டனை தளமாகக் கொண்ட ரஷ்ய விசாரணைக் குழுவான டோசியர் சென்டர் (Dossier Center) என்ற நிறுவனம் ஆவணங்கள் மற்றும் புகைப்படங்களை வெளியிட்டுள்ளது. மேலும் புடினின் ரயில் அதிகமான பாதுகாப்பு அம்சங்கள், குண்டு துளைக்காத கதவுகள் ஜன்னல்களை கொண்டுள்ளதாகவும் அதில் உயிர் காக்கும் மருத்துவ உபகரணங்கள் மற்றும் வசதிகள் இருப்பதாகவும் தெரிவிக்கப்பட்டுள்ளது.
Latest Videos
undefined
அதிபர் புடின் நாட்டிற்குள் வசதியாகவும், ரகசியமாகவும் பயணிப்பதற்காக இந்த ரயில் 2018 இல் உருவாக்கப்பட்டது, இந்த ரயிலில் ஒரு முழுமையான உடற்பயிற்சி கூடம், மசாஜ் பார்லர், ஒரு முழுமையான துருக்கிய குளியல் நீராவி அறை, படுக்கையறைகள் மற்றும் அலங்கரிக்கப்பட்ட டைனிங் அறைகள் உட்பட பல வசதிகள் உள்ளன.
நேபாள சுற்றுலா ஹெலிகாப்டர் எவரெஸ்ட் சிகரத்தில் மோதி விபத்து: 5 மெக்சிகோ சுற்றுலா பயணிகள் பலி
“ இந்த சொகுசு ரயிலில் புடின் வசதியாக பயணிக்க மட்டுமல்லாமல், தன்னை கவனித்துக் கொள்ளவும் முடியும். உள்ளே ஒரு அழகு நிபுணர் அலுவலகம், ஒரு உடற்பயிற்சி கூடம் உள்ளது.தேவைப்பட்டால், இந்த அதிநவீன சொகுசு ரயில், ஒரு நபரின் உயிரைக் காப்பாற்றும் என்றும், மருத்துவ உபகரணங்கள் நிறுவப்பட்டுள்ளன, ” என்று கசிந்த ஆவணத்தில் தெரிவிக்கப்பட்டுள்ளது.
ஒரு திரைப்பட அரங்கம், ஒரு முழு கார் ஹவுசிங் டீசல் பவர் ஜெனரேட்டர் மற்றும் புடின் வெளி உலகத்துடன் இணைந்திருக்க அனுமதிக்கும் தகவல் தொடர்பு அமைப்புடன் கூடிய பல பெட்டிகளை இந்த ரயில் கொண்டுள்ளது. மேலும் ரயிலில் உள்ள அறையானது கேட்கும் சாதனங்களைப் பயன்படுத்துவதைத் தடுக்கும் வகையில் உருவாக்கப்பட்டுள்ளது, ஏனெனில் அதில் "ஒலி தகவல் கசிவிலிருந்து பாதுகாக்கும் வன்பொருள்" நிறுவப்பட்டுள்ளது.
இந்த ரயிலின் விலை சுமார் 74 மில்லியன் டாலர் (ரூ. 609 கோடி) என மதிப்பிடப்பட்டுள்ளது.ஆண்டு பராமரிப்பு செலவுகள் சுமார் $15.8 மில்லியன் (ரூ. 130 கோடி) எனவும் மதிப்பிடப்பட்டுள்ளது. இந்த ரயில், முதன்முதலில் 2014-ல் தொடங்கப்பட்டது என்றும், 2022 ஆம் ஆண்டில், உக்ரைன் மீது ரஷ்யா படையெடுப்பைத் தொடங்கியபோது இந்த ரயிலின் பயன்பாடு அதிகரிக்க தொடங்கியது என்றும் கூறப்படுகிறது. இருப்பினும், இந்த ரயில் தொடர்பான தகவல்களை மறுத்துள்ள ரஷ்ய அதிபர் மாளிகை, அதிபர் புடினிடம் இது போன்ற எந்த ரயிலும் இல்லை என்று தெரிவித்துள்ளது. எனினும் கடந்த 2018-ம் ஆண்டு நவம்பரில் இந்த ரயிலில் ஆய்வு கூட்டம் நடைபெற்றதாக தற்போது கசிந்துள்ள ஆவணங்கள் தெரிவிக்கின்றனர்.
இதனிடையே கடந்த ஆண்டு நாட்டை விட்டு வெளியேறிய ரஷ்ய ஃபெடரல் செக்யூரிட்டி சர்வீஸின் முன்னாள் பொறியாளரும் கேப்டனுமான க்ளெப் கரகுலோவ், ரகசியத்தைப் பேணுவதற்கும் கண்காணிக்கப்படுவதைத் தவிர்ப்பதற்கும் புடின் அதிகளவில் இந்த ரயில் பயணத்தை மேற்கொள்கிறார் என்று கூறினார். இருப்பினும், புடினின் பேய் ரயில் முற்றிலும் புறக்கணிக்கப்படவில்லை. பல ஆண்டுகளாக புடின் ரயில் தொடர்பான புகைப்படங்கள் வெளியாகி கொண்டு தான் இருக்கின்றன. ரயிலை இயக்குவதற்காக ஏராளமான பணியாளர்கள் 24 மணி நேரமும் அழைப்பில் இருப்பதாக அறிக்கைகள் கூறுகின்றன. பணியாளர்கள் தனிமைப்படுத்தலில் காத்திருக்கிறார்கள், எனவே புடின் ரயிலில் இருக்கும்போது நோயிலிருந்து பாதுகாப்பாக இருக்க முடியும்.
இந்த ரயிலுக்காக, புடினின் ஏராளமான தனியார் குடியிருப்புகளை பிரதான ரயில் நெட்வொர்க்குடன் இணைக்கும் ஒரு முழு இரயில் பாதை ரஷ்யா முழுவதும் கட்டப்பட்டதாக முந்தைய அறிக்கைகள் கூறுகின்றன, இது பேய் ரயிலுக்கு மட்டுமே அணுகக்கூடிய ரகசிய நிலையங்களுடன் இணைக்கப்பட்டுள்ளது என்றும் கூறப்படுகிறது.
புகுஷிமா முதல் பாம்புகள் தீவு வரை.. உலகின் மிகவும் ஆபத்தான இடங்கள் பற்றி தெரியுமா?
சேனலை கிளிக் செய்து பின்தொடரவும்