Nov 27, 2023, 8:15 PM IST
லேடி சூப்பர் ஸ்டார் நயன்தாரா நடிப்பில் உருவாகியுள்ள திரைப்படம் 'அன்னபூரணி- The Goddess of Food’ . நிலேஷ் கிருஷ்ணா இயக்கியுள்ள இந்த படத்தை, ஜீ ஸ்டுடியோஸ், நாட் ஸ்டுடியோஸ் மற்றும் டிரிடெண்ட் ஆர்ட்ஸ் இணைந்து தயாரித்துள்ளது. இந்தப் படம் டிசம்பர் 1, 2023 அன்று உலகம் முழுவதும் வெளியாக உள்ள நிலையில் சற்று முன்னர் இப்படத்தின் ட்ரைலரை வெளியிட்டுள்ளது படக்குழு.
பிராமண குடும்பத்தில் பிறந்து, சமையல் கலைஞராக விரும்பும் நயன்தாரா... தனக்கான தடைகளை தாண்டி, ஒரு செஃபாக தன்னுடைய கனவை எட்டி பிடிக்கிறாரா? இல்லையா என்பதே இந்த படத்தின் கதைக்களம். இப்படம் நயன்தாராவின் 75-ஆவது படமாக உருவாகியுள்ளது. இப்படத்தில் ராஜா ராணி படத்திற்கு பின்னர் நடிகர் ஜெய், நயன்தாராவுடன் நடித்துள்ளார்.
மேலும் முக்கிய கதாபாத்திரத்தில் சத்யராஜ், கே.எஸ்.ரவிக்குமார், ரெடின் கிங்ஸ்லி, அச்யுத் குமார், குமாரி சஞ்சு, ரேணுகா, கார்த்திக் குமார், சுரேஷ் சக்கரவர்த்தி மற்றும் பலர் நடித்துள்ளனர். தமன் எஸ் இசையமைக்க, சத்யன் சூரியன் ஒளிப்பதிவு செய்கிறார். பிரவீன் ஆண்டனி படத்தொகுப்பு பணிகளை கவனிக்கிறார் என்பது குறிப்பிடத்தக்கது.