நடிகர் ஜெயம் ரவி நடிப்பில் கடைசியாக 'பொன்னியின் செல்வன்' திரைப்படம் வெளியான நிலையில், அடுத்ததாக மார்ச் 10ஆம் தேதி அகிலன் படம் வெளியாக உள்ளது. கடல் கொள்ளையர்களை பற்றி எடுக்கப்பட்டுள்ள இந்த படத்தை, ஏற்கனவே ஜெயம் ரவியை வைத்து 'பூலோகம்' படத்தை இயக்கிய இயக்குனர் கல்யாண் இயக்கி உள்ளார். 

இந்த படத்தில் ஜெயம் ரவி கடல் கொள்ளையனாகவும், அவருக்கு ஜோடியாக பிரியா பவானி சங்கர் போலீஸ் கதாபாத்திரத்திலும் நடிக்கிறார். மிகப்பெரிய எதிர்பார்ப்புக்கு மத்தியில் உருவாக்கியுள்ள இந்த படத்தில், முக்கிய வேடத்தில் தன்யா ரவிச்சந்திரன், ஹரீஷ் உத்தமன் போன்ற பலர் நடித்துள்ளனர். இப்படம் விரைவில் வெளியாக உள்ள நிலையில், இந்தப் படத்தில் இடம்பெற்றுள்ள 'துரோகம்' என்கிற லிரிக்கல் பாடல் தற்போது வெளியாகி உள்ளது. சாம் சி.எஸ் இசையமைத்துள்ள இந்த படத்திற்கு விவேக் ஆனந்த சந்தோஷம் ஒளிப்பதிவு செய்துள்ளார். கணேஷ் குமார் படத்தொகுப்பு பணிகளை மேற்கொண்டுள்ளார். இப்படத்தை ஸ்கிரீன் சீன் நிறுவனம் பிரமாண்டமாக தயாரித்துள்ளது.