லைவ் வீடியோவில் அதிரடியாக பேசிய பரவை முனியம்மா.. வதந்திக்கு முற்றுப்புள்ளி வைத்த நடிகர் அபி சரவணன்..!

உடல்நலக்குறைவால் மதுரையிலுள்ள தனியார் மருத்துவமனையில் நாட்டுப்புறப் பாடகி பரவை முனியம்மா சிகிச்சை பெற்று நலம் பெற்று வரும் நிலையில், அவர் இயற்கை எய்தியதாக சமூக வலைதளங்களில் தவறான தகவல் பரப்பப்படுகிறது.

நடிகை பரவை முனியம்மாவிற்கு திடீரென மூச்சுத்திணறல் ஏற்பட்டதையடுத்து அவர் சிகிச்சைக்காக மருத்துவமனையில் அனுமதிக்கப்பட்டுள்ளார். இந்நிலையில் அவர் இறந்து விட்டதாக தகவல்கள் வெளியாகி பரபரப்பை ஏற்படுத்தியது. இந்நிலையில் ஏசியாநெட் மதுரை, சிறப்பு செய்தியாளர்,  ‘பரவை முனியம்மாள் தொடர் சிகிச்சையில் இருந்து வருகிறார்’என்பதை உறுதிப்படுத்தி உள்ளார். 

 மதுரையை சேர்ந்த நாட்டுப்புற பாடகி பரவை முனியம்மா, தூள் முதல் மான் கராத்தே வரை பல படங்களிலும் நடித்து பிரபலமானார். 83 வயதான அவர் கிட்னி பாதிப்பால் அவதிப்பட்டு வருகிறார். கலைமாமணி விருது பெற்ற இவருக்கு, அரசின் உதவி தொகையாக மாதம் 6,000 ரூபாய் கிடைக்கிறது. இத்தொகை, மருத்துவ சிகிச்சைக்கே போதாத நிலையில், மிகவும்
சில மாதங்களாக உடல் நலக்குறைவால் பாதிக்கப்பட்ட இவர், வீட்டிலேயே முடங்கிக் கிடந்தார். சில வாரங்களுக்கு முன்பு உடல்நிலை மிகவும் மோசமடைந்ததால் தனியார் மருத்துவமனையில் சிகிச்சை பெற்று வீடு திரும்பினார். அதன் பிறகும் அவரால் பேச முடியவில்லை. காதும் கேட்கவில்லை. நேற்று மதியம் ‘பரவை’முனியம்மா, மூச்சுவிட சிரமப்பட்டார்.

இதை அறிந்து நடிகர் அபி சரவணன், அவரை மதுரையில் உள்ள தனியார் மருத்துவமனையில் அவசரப்பிரிவில் சேர்த்துள்ளார். பரவை முனியம்மாவின் உடல்நலம் குறித்து அபி சரவணனிடம் நடிகர் சங்கத்தில் இருந்து கார்த்தி, நாசர், பொன்வண்ணன், ஐசரி கணேஷ் மற்றும் பாக்யராஜ் ஆகியோர் விசாரித்தனர். அவருக்கு தேவையான உதவிகளை செய்ய சொல்லி தயாரிப்பாளர் ஐசரி கணேஷ் மருத்துவ நிர்வாகத்திடம் கேட்டுக் கொண்டுள்ளார்.

 இதனை தொடர்ந்து நடிகை பரவை முனியம்மாவுக்கு திடீரென இறந்து விட்டதாக வரும் தகவல்கள் வெளியாகி பரபரப்பை ஏற்படுத்தியது இது தவறான தகவல் என்றும் இந்த வதந்தியை நம்ப வேண்டாம் என்றும்   நேரடிக்காக மருத்துமனைக்கு  சென்று ‘பரவை’முனியம்மா பக்கத்தில் அமர்ந்து பேசி நடிகர் அபி சரவணன்   வீடியோ ஒன்றை வெளியிட்டுள்ளார்.