பைக், கார் ஓட்டுநர்கள் கவனத்திற்கு! வாகனத்தில் கலர் ஸ்டிக்கர் இல்லேனா ரூ.5000 அபராதம் !

Traffic Rules: வாகனங்களில் எரிபொருள் வகையைக் குறிக்கும் வண்ணக் குறியீட்டு ஸ்டிக்கர்களை கட்டாயமாக்க டெல்லி அரசு திட்டமிட்டுள்ளது. பயன்படுத்தப்படும் எரிபொருள் வகையைக் காட்டாத வாகனங்களுக்கு அபராதம் விதிக்க போக்குவரத்துத் துறை திட்டமிட்டுள்ளது. விதிமுறைகளைப் பின்பற்றத் தவறினால் மோட்டார் வாகனச் சட்டத்தின் கீழ் ரூ.5,000 அபராதம் விதிக்கப்படும். கூடுதலாக, உத்தரவைப் பின்பற்றாத வாகன உரிமையாளர்கள் தங்கள் வாகனங்களுக்கு மாசு கட்டுப்பாட்டுச் சான்றிதழ்களை (PUCC) பெற முடியாது. வாகனங்களின் எரிபொருள் வகையைக் குறிக்கும் வண்ணக் குறியீடு கொண்ட ஸ்டிக்கர்கள், 2012-13 ஆம் ஆண்டில் அறிமுகப்படுத்தப்பட்ட உயர் பாதுகாப்புப் பதிவுத் தகடுகள் (HSRP) சட்டத்தின் ஒரு பகுதியாகும். 2019 ஆம் ஆண்டுக்குள் அனைத்து வாகனங்களுக்கும் இது கட்டாயமாக்கப்பட்டது.