மணிக்கு 201 கி.மீ. வேகத்தில் சீறிப் பாய்ந்த டி.வி.எஸ். அபாச்சி...!
By Kevin Kaarki | First Published Jun 4, 2022, 3:07 PM ISTடி.வி.எஸ். மோட்டார் நிறுவனத்தின் மோட்டார்-ஸ்போர்ட் பிரிவான டி.வி.எஸ். ரேசிங் இந்த மோட்டார்சைக்கிளை உருவாக்கி வழங்கி இருக்கிறது.
டி.வி.எஸ். ஆசியா ஒன் மேக் சாம்பியன்ஷிப் தொடரின் முதல் சுற்று மலேசியா நாட்டில் சமீபத்தில் நடந்து முடிந்தது. டி.வி.எஸ். நிறுவனத்தின் முதல் சர்வதேச சாம்பியன்ஷிப் தொடர் இது ஆகும். இதில் பங்கேற்றவர்கள் பந்தய வீரர்கள் அபாச்சி RR 310 OMC ரேஸ் பைக்கை எடுத்து வந்து பந்தய களத்தில் விளையாடினர். தற்போது சந்தையில் விற்பனை செய்யப்பட்டு வரும் டி.வி.எஸ். அபாச்சி RR 310 மாடலை தழுவியே புதிய அபாச்சி RR310 OMC ரேஸ் பைக் மாடலும் உருவாக்கப்பட்டு இருக்கிறது.
முதல் முறையாக அபாச்சி RR310 OMC ரேஸ் பைக் மலேசியாவில் உள்ள செபாங் சர்வதேச பந்தய களத்தில் தான் அறிமுகம் செய்யப்பட்டு இருக்கிறது. இதில் பங்கேற்ற வீரர்கள் டி.வி.எஸ். அபாச்சி RR310 OMC ரேஸ் பைக்-ஐ அதன் முழு திறனை வெளிப்படுத்தும் வகையில் ஓட்டி மகிழ்ந்தனர்.
Latest Videos
undefined
மணிக்கு 201 கி.மீ. வேகம்:
மலேசிய பந்தய களத்தில் டி.வி.எஸ். அபாச்சி RR310 OMC மாடல் மணிக்கு 201.2 கிலோமீட்டர் வேகத்தில் சீறிப் பாய்ந்து அனைவரையும் அதிர வைத்தது. இத்தகைய சாதனையை படைத்த முதல் இந்திய மோட்டார்சைக்கிள் என்ற பெருமையையும் அபாச்சி RR 310 பெற்று உள்ளது.
டி.வி.எஸ். மோட்டார் நிறுவனத்தின் மோட்டார்-ஸ்போர்ட் பிரிவான டி.வி.எஸ். ரேசிங் இந்த மோட்டார்சைக்கிளை உருவாக்கி வழங்கி இருக்கிறது. டி.வி.எஸ். ஆசியா ஒன் மேக் சாம்பியன்ஷிப் தொடர் நான்கு கட்டங்களாக நடைபெற இருக்கிறது. மலேசியாவில் டி.வி.எஸ். ஒன் மேக் சாம்பியன்ஷிப் தொடரின் முதல் சுற்று நிறைவு பெற்று இருக்கிறது. இதில் மொத்தம் 16 பேர் பங்கேற்கின்றனர். இந்த தொடரின் இரண்டாவது சுற்று ஆகஸ்ட் 12 முதல் ஆகஸ்ட் 14 ஆம் தேதி வரை ஜப்பான் நாட்டில் உள்ள சுகோ சர்வதேச பந்தய களத்தில் நடைபெற இருக்கிறது.
மூன்று மற்றும் இறுதிச் சுற்றுகள் அக்டோபர் மற்றும் நவம்பர் மாத வாக்கில் நடைபெற இருக்கிறது. எனினும், இவை எந்த நாடுகளில் நடைபெறும் என இதுவரை உறுதிப் படுத்தப்படவில்லை.
என்ஜின் விவரங்கள்:
பந்தய களத்துக்கான டி.வி.எஸ். அபாச்சி RR 310 ஆசியா OMC ரேஸ் பைக்கில் 312சிசி, DOHC, 4 வால்வுகள் கொண்ட லிக்விட் கூல்டு என்ஜின் வழங்கப்பட்டு இருக்கிறது. இது வழக்கமான அபாச்சி RR 310 மாடலை விட 38 சதவீதம் கூடுதல் திறன் வெளிப்படுத்துகிறது.
இதுதவிர டி.வி.எஸ். அபாச்சி RR 310 OMC ரேஸ் பைக்கில் குறைந்த எடை கொண்ட கார்பன் ஃபைபர் பாடிவொர்க், வீல்ஸ் மற்றும் சப்-ஃபிரேம் கொண்டிருக்கிறது. இத்துடன் பிரத்யேகமாக உருவாக்கப்பட்ட ஒலின்ஸ் சஸ்பென்ஷன் யூனிட் வழங்கப்பட்டு உள்ளது.
சேனலை கிளிக் செய்து பின்தொடரவும்