உலகின் அதிவேக இண்டர்நெட் கொண்ட டாப் 10 நாடுகள்: இந்தியா எந்த இடத்தில் உள்ளது?

உலகளவில் இணையப் பயன்பாடு 70%ஐ எட்டியுள்ளது, மொபைல் இணையப் பயனர்களின் எண்ணிக்கை கணிசமாக அதிகரித்துள்ளது. 

உலகளவில் பில்லியன் கணக்கான மக்களின் அன்றாட வாழ்வின் இன்றியமையாத அங்கமாக இண்டர்நெட் மாறியுள்ளது. இண்டெநெட் இல்லாமல் எந்த வேலையும் செய்ய முடியாத அளவுக்கு இணைய வசதி நம் வாழ்க்கையை ஆக்கிரமித்துள்ளது. சமூக வலைதளங்களில் வீடியோ பார்ப்பது தொடங்கி டிஜிட்டல் பேமெண்ட், ஓடிடியில் படம் பார்த்து, ஆன்லைனில் வேலைக்கு விண்ணப்பிப்பது அல்லது அரசு சேவைகளுக்கு விண்ணப்பிப்பது என அனைத்திற்குமே இண்டர்நெட் தேவை.

அக்டோபர் 2024 நிலவரப்படி, 5.52 பில்லியன் மக்கள் இணையத்தைப் பயன்படுத்துகின்றனர், அதாவது உலக மக்கள் தொகையில் கிட்டத்தட்ட 70% பேர் தற்போது ஆன்லைனில் உள்ளனர். DataReportal இன் அறிக்கையின்படி, கடந்த சில ஆண்டுகளில் 151 மில்லியன் இணைய பயனர்கள் அதிகரித்துள்ளனர். டிஜிட்டல் இணைப்பு எவ்வளவு விரைவாக வளர்ந்து வருகிறது என்பதை இது காட்டுகிறது. டிஜிட்டல் மயமாக்கலுக்கான உலகின் விரைவான நகர்வை பிரதிபலிக்கிறது.

அதிகரித்து வரும் டிஜிட்டல்மயமாக்கலுடன், மொபைல் இணையம் ஒவ்வொரு நபரின் வாழ்க்கையிலும் ஒரு முக்கிய அங்கமாகிவிட்டது. 2023 ஆம் ஆண்டின் இறுதியில், உலக மக்கள்தொகையில் 58% அல்லது 4.7 பில்லியன் மக்கள் மொபைல் இணையத்தைப் பயன்படுத்துகிறார்கள் என்று சொல்லலாம். இந்த எண்ணிக்கை 2015 இல் இருந்து கணிசமாக அதிகரித்துள்ளது, வெறும் 2.6 பில்லியன் மக்கள் மொபைல் இணையத்தைப் பயன்படுத்துகின்றனர். GSMA (குரூப் ஸ்பெஷல் மொபைல் அசோசியேஷன்) அறிக்கை, இந்த மாற்றம் எப்படி அதிகமான மக்களை டிஜிட்டல் உலகிற்கு அறிமுகப்படுத்துகிறது என்பதையும் காட்டுகிறது.

உலகின் வேகமான இணையத்துடன் கூடிய முதல் 10 நாடுகளின் பட்டியல்

மொபைல் இன்டர்நெட் பயன்பாடு அதிகரிக்கும் போது, ​இணைய வேகமும் மேம்பட்டு வருகின்றன. மொபைல் இணையத்திற்கான உலகளாவிய சராசரி வேகம் இப்போது 55.8 Mbps ஆக உள்ளது, இது கடந்த ஆண்டை விட 30% அதிகமாகும். சில நாடுகளில் பயனர்கள் 100 Mbps க்கும் அதிகமான அதிவேக வேகத்தை அனுபவிக்கிறார்கள். இருப்பினும், சில நாடுகள் இன்னும் மெதுவான இணைப்பை எதிர்கொள்கின்றன, இது ஒட்டுமொத்த இணைப்பைத் தடுக்கிறது.

உலக அளவில் இந்தியா எந்த இடத்தில் உள்ளது?

ஸ்பீட் டெஸ்ட் குளோபல் இண்டெக்ஸின் கூற்றுப்படி, மொபைல் மற்றும் பிராட்பேண்டில் வேகமான இணைய வேகத்தைக் கொண்டுள்ள நாடுகளில் ஐக்கிய அரபு அமீரகம் முதலிடத்தில் உள்ளது, கத்தார் மற்றும் குவைத் இரண்டாவது மற்றும் மூன்றாவது இடத்தில் உள்ளன. 100.78 Mbps இணையத்துடன் இந்தியா 25வது இடத்தில் உள்ளது.

உலகின் அதிவேக மொபைல் இணைய வேகம் கொண்ட முதல் 10 நாடுகளின் பட்டியல் இதோ

 1. ஐக்கிய அரபு அமீரகம் 441.89 Mbps
 2. கத்தார் 358.27 - Mbps
 3. குவைத் 263.59 - Mbps
 4. பல்கேரியா 172.49 - Mbps
 5. டென்மார்க் 162.22 - Mbps
 6. தென் கொரியா 148.34 - Mbps
 7. நெதர்லாந்து 146.56 - Mbps
 8. நார்வே 145.74 - Mbps
 9. சீனா 139.58 - Mbps
 10. லக்சம்பர்க் 134.14 Mbps