Galaxy Tab S11, S11 Ultra – விலை, பேட்டரி, டிஸ்ப்ளே அம்சங்கள் வெளியானது!

சாம்சங் செப்டம்பர் 4 அன்று Galaxy Unpacked நிகழ்வில் Galaxy S25 FE ஸ்மார்ட்போன் மற்றும் புதிய Galaxy Tab S11 தொடரை அறிமுகப்படுத்தவுள்ளது. S25 FE சிறந்த அம்சங்களுடன் மலிவு விலையில் வருகிறது.

சாம்சங் தனது இரண்டாவது Galaxy Unpacked நிகழ்வுக்கு தயாராகி வருகிறது. இந்த நிகழ்வு குறித்து ரசிகர்களிடையே ஏற்கனவே பெரும் ஆர்வம் நிலவுகிறது. நிறுவனம் அதிகாரப்பூர்வமாக செப்டம்பர் 4 அன்று மதியம் 3:00 மணி (IST)க்கு நிகழ்வு நடைபெறும் என்று தெரிவிக்கப்பட்டுள்ளது. இதில் அதிகம் பேசப்படும் Galaxy S25 FE ஸ்மார்ட்போன் மற்றும் புதிய Galaxy Tab S11 தொடரும் அறிமுகமாகும் என எதிர்பார்க்கப்படுகிறது.

Galaxy S25 FE எப்போதும் சாம்சங் ரசிகர்களுக்காக மலிவு விலையில் சிறந்த அம்சங்களை வழங்குவதை நோக்கமாகக் கொண்டது. தற்போது கிடைத்துள்ள தகவலின்படி, இதில் 6.7 இன்ச் AMOLED டிஸ்ப்ளே, 1080 x 2340 பிக்சல் தெளிவு மற்றும் 120Hz ரிஃப்ரெஷ் ரேட் இடம்பெறும். உயர்தர S25 மாடல்களில் உள்ள Snapdragon செயலிக்கு பதிலாக, இதில் Samsung Exynos 2400 CPU பயன்படுத்தப்படும்.

கேமரா அம்சங்களில் சாம்சங் குறைவாக செயல்படப்போவதில்லை. இதில் 50MP OIS பிரதான கேமரா, 12MP அல்ட்ரா-வைட், மற்றும் 3x ஆப்டிகல் ஜூம் கொண்ட 8MP டெலிஃபோட்டோ லென்ஸ் ஆகியவை அடங்கும். செல்ஃபிக்காக 12MP முன் கேமரா வழங்கப்படும் என தகவல்கள் தெரிவிக்கின்றன.

4,900mAh பேட்டரி உடன் 45W வயர்டு ஃபாஸ்ட் சார்ஜிங் மற்றும் 15W வயர்லெஸ் சார்ஜிங் அம்சம் கிடைக்கும். இதன் விலை சுமார் $789.99 (ரூ.81,000) இருக்கும் என சொல்லப்படுகிறது. இது மலிவான விலை அல்ல என்றாலும், S25 தொடரின் மற்ற மாடல்களை விட குறைவாக இருக்கும். ஸ்மார்ட்போனுடன் சேர்த்து, சாம்சங் தனது அடுத்த தலைமுறை Galaxy Tab S11 மற்றும் S11 Ultra மாடல்களையும் அறிமுகப்படுத்துகிறது. S11 Ultraவில் 14.6 இன்ச் AMOLED டிஸ்ப்ளே, சாதாரண S11 மாடலில் 11 இன்ச் திரை வழங்கப்படும். 

இரண்டிலும் 120Hz ரிஃப்ரெஷ் ரேட் இருக்கும். அதிக முக்கியமாக, S11 Ultra மாடல் S Pen ஆதரவுடன் வரும். மேலும், சாம்சங் முன்புற வடிவமைப்பில் மாற்றம் செய்து, டூயல் செல்ஃபி கேமராவிலிருந்து ஒற்றை கேமராவிற்கு மாறுகிறது. இரண்டு டேப்லெட்டுகளிலும் MediaTek 9400 Plus Processor மற்றும் 1TB வரை microSD விரிவாக்கம் கிடைக்கும்.

பேட்டரி திறனில், Tab S11 8,400mAh பேட்டரியையும், அல்ட்ரா மாடல் 11,600mAh பேட்டரியையும் கொண்டுள்ளது. இரண்டிலும் 45W ஃபாஸ்ட் சார்ஜிங் அம்சம் இருக்கும். விலை தரப்பில், Tab S11 சுமார் $860 (ரூ.75,400), அல்ட்ரா மாடல் $1,200 (ரூ.1,05,000) விலையில் தொடங்கும் என்று கூறப்படுகிறது. இந்த அறிமுகம் மூலம் சாம்சங் தனது பிரீமியம்-மிட் ரேஞ்ச் சந்தையை வலுப்படுத்தும் நோக்கில் உள்ளது.