இனி எவனும் எட்டிப்பார்க்க முடியாது.. சாம்சங்கின் தரமான சம்பவம்!

Samsung பேருந்திலோ, ரயிலிலோ செல்லும்போது அருகில் இருப்பவர் உங்கள் மொபைலை எட்டிப் பார்க்கிறாரா? கவலை வேண்டாம்! சாம்சங் Galaxy S26 Ultra-வில் வரவிருக்கும் புதிய 'Privacy Display' தொழில்நுட்பம் பற்றி இங்கே படியுங்கள்.

நாம் பேருந்திலோ அல்லது மெட்ரோ ரயிலிலோ பயணம் செய்யும்போது, வாட்ஸ்அப்பில் (WhatsApp) ரகசியமாக சாட் செய்வோம் அல்லது வங்கி கணக்கு விவரங்களை சரிபார்ப்போம். அப்போது, பக்கத்து சீட்டில் இருப்பவர் அல்லது நின்றுகொண்டிருப்பவர் நம் மொபைல் ஸ்கிரீனை எட்டிப் பார்ப்பது (Shoulder Surfing) நமக்கு பெரும் சங்கடத்தை ஏற்படுத்தும். இதற்காகவே பலரும் 'Privacy Tempered Glass' ஒட்டி வைத்துக்கொள்வது வழக்கம்.

ஆனால், இனி அந்தத் தொல்லையே இருக்காது என்கிறது தொழில்நுட்ப உலகம். விரைவில் வெளியாகவிருக்கும் Samsung Galaxy S26 Ultra ஸ்மார்ட்போனில், இன்பில்ட்டாகவே 'பிரைவசி டிஸ்பிளே' (Privacy Display) வசதி வரவிருப்பதாக தகவல்கள் வெளியாகியுள்ளன.

எது இந்த 'பிரைவசி டிஸ்பிளே'? (What is Privacy Display?)

வழக்கமாக நாம் பயன்படுத்தும் ஸ்மார்ட்போன்களில் 'Viewing Angle' அதிகமாக இருக்கும். அதாவது, போனை நேராக வைத்து பார்த்தாலும் தெரியும், சாய்வாக வைத்து பார்த்தாலும் தெரியும். ஆனால், இந்த புதிய பிரைவசி டிஸ்பிளே தொழில்நுட்பம் வந்தால், போனை நேராக வைத்திருப்பவருக்கு மட்டுமே ஸ்கிரீன் தெளிவாகத் தெரியும்.

பக்கத்தில் இருப்பவருக்கோ அல்லது சாய்வாக பார்ப்பவருக்கோ திரை இருட்டாகவும் (Black), அல்லது மங்கலாகவும் மட்டுமே தெரியும். இதுவரை நாம் தனியாக காசு கொடுத்து வாங்கி ஒட்டிய 'பிரைவசி ஸ்கிரீன் கார்டின்' வேலையை, இனி போனிலேயே உள்ள சாஃப்ட்வேர் மற்றும் ஹார்டுவேர் பார்த்துக்கொள்ளும்.

எப்படி வேலை செய்யும் இந்தத் தொழில்நுட்பம்?

வெளியாகியுள்ள தகவல்களின்படி, சாம்சங் இதற்காக ஒரு பிரத்யேக OLED பேனலை பயன்படுத்த வாய்ப்புள்ளது.

• ஸ்மார்ட் கண்ட்ரோல்: உங்கள் நோட்டிஃபிகேஷன் பாரில் (Notification Bar) ஒரு பட்டன் இருக்கும். எப்போதெல்லாம் நீங்கள் பொது இடங்களில் இருக்கிறீர்களோ, அப்போதெல்லாம் அந்த பட்டனை ஆன் செய்தால் போதும்.

• பிக்சல் கட்டுப்பாடு: இது ஆன் செய்யப்பட்டதும், திரையின் ஒளிக்கற்றை (Light direction) கட்டுப்படுத்தப்பட்டு, நேராக பார்ப்பவருக்கு மட்டுமே செல்லும் வகையில் மாற்றியமைக்கப்படும். இதனால் பக்கவாட்டில் இருந்து பார்ப்பவருக்கு எதுவும் தெரியாது.

ஸ்கிரீன் கார்டு செலவு மிச்சம்!

தற்போது சந்தையில் விற்கப்படும் பிரைவசி கிளாஸ்கள் (Privacy Glass) ஒட்டினால், டிஸ்பிளேவின் பிரகாசம் (Brightness) நிரந்தரமாகக் குறைந்துவிடும். வெயிலில் போனைப் பார்ப்பது கஷ்டமாக இருக்கும். ஆனால், சாம்சங்கின் இந்த புதிய வசதி 'ஆன்-டிமாண்ட்' (On-demand) வகையைச் சேர்ந்தது. அதாவது, தேவைப்படும்போது மட்டும் ஆன் செய்துகொள்ளலாம். மற்ற நேரங்களில் சாதாரண டிஸ்பிளே போலவே பிரகாசமாக இருக்கும்.

ஆப்பிளுக்கு போட்டியாக சாம்சங்?

ஏற்கனவே ஆப்பிள் நிறுவனம் இது போன்ற காப்புரிமைகளை (Patents) பதிவு செய்திருந்தாலும், சாம்சங் அதை முந்திக்கொண்டு தனது ஃப்ளாக்ஷிப் போனில் கொண்டு வருவது தொழில்நுட்ப சந்தையில் பெரிய எதிர்பார்ப்பை ஏற்படுத்தியுள்ளது.

2026-ம் ஆண்டின் ஆரம்பமே அதிரடியாக இருக்கிறது. சாம்சங் கேலக்ஸி S26 அல்ட்ரா அறிமுகமாகும் போது, இந்த வசதி உண்மையிலேயே இடம்பெற்றால், அது ஸ்மார்ட்போன் தனியுரிமை பாதுகாப்பில் (Privacy Protection) ஒரு மைல் கல்லாக இருக்கும் என்பதில் சந்தேகமில்லை!