இரண்டு புது மாடல்கள் - இணையத்தில் லீக் ஆன சாம்சங் பிளான்?

சாம்சங் நிறுவனத்தின் இரண்டு புதிய ஸ்மார்ட்போன்கள் விரைவில் அறிமுகம் செய்யப்பட இருக்கின்றன.

சாம்சங் நிறுவனம் கேலக்ஸி A மற்றும் கேலக்ஸி M சீரிசில் புது ஸ்மார்ட்போன் மாடல்களை அறிமுகம் செய்ய திட்டமிட்டு வருகிறது. முன்னதாக சாம்சங் நிறுவனத்தின் கேலக்ஸி A13 4ஜி மற்றும் கேலக்ஸி M23 5ஜி ஸ்மார்ட்போன் மாடல்கள் பல்வேறு சான்றளிக்கும் வலைதளங்களில் இடம்பெற்று வந்தது. தற்போது இரு மாடல்களும் சாம்சங் வலைதளத்திலேயே இடம்பெற்று இருக்கின்றன.

அந்த வகையில், கேலக்ஸி A13 4ஜி மற்றும் கேலக்ஸி M23 5ஜி ஸ்மார்ட்போன் மாடல்கள் விரைவில் அறிமுகம் செய்யப்படலாம் என்றே தெரிகிறது. கேலக்ஸி A13 மாடல் சாம்சங் இந்தியா,  ரஷ்யா மற்றும் சுவிட்சர்லாந்து வலைதளங்களிலும் கேலக்ஸி M32 5ஜி மாடல் ஐக்கிய ராஜ்ஜியம் மற்றும் ரஷ்ய வலைதளங்களிலும் இடம்பெற்று இருக்கின்றன. 

வலைதளங்களில் கேலக்ஸி A13 4ஜி ஸ்மார்ட்போன் SM-A135F/DS எனும் மாடல் நம்பரும், கேலக்ஸி M32 5ஜி ஸ்மார்ட்போன் SM-M236B/DS மாடல் நம்பர் கொண்டிருக்கின்றன. இரு ஸ்மார்ட்போன்களிலும் டூயல் சிம் ஸ்லாட் வழங்கப்படுவது உறுதியாகி இருக்கிறது. 

கீக்பென்ச் தளத்தில் வெளியான தகவல்களின் படி கேலக்ஸி A13 4ஜி மாடலில் எக்சைனோஸ் 850 சிப்செட், 3GB ரேம், ஆண்ட்ராய்டு 12 ஓ.எஸ்., IPS LCD ஸ்கிரீன், 5000Ah பேட்டரி மற்றும் 15 வாட் ஃபாஸ்ட் சார்ஜிங் வசதி வழங்கப்படும் என தெரிகிறது. கேலக்ஸி M32 5ஜி மாடலில் OIS வசதி கொண்ட 50MP கேமராக்கள், ஆண்ட்ராய்டு 12 ஓ.எஸ்., குவால்காம் ஸ்னாப்டிராகன் 750G பிராசஸர் வழங்கப்படும் என கூறப்படுகிறது.