சூப்பர் அம்சங்களுடன் உருவாகும் ரெட்மி 5ஜி போன் - இணையத்தில் லீக் ஆன புது விவரங்கள்
சுருக்கம்
சியோமி நிறுவனத்தின் புதிய ரெட்மி நோட் 11S 5ஜி ஸ்மார்ட்போன் விவரங்கள் இணையத்தில் வெளியாகி இருக்கிறது.
சியோமி நிறுவனத்தின் புதிய ரெட்மி நோட் 11S 5ஜி ஸ்மார்ட்போன் விவரங்கள் FCC வலைதளத்தில் இடம்பெற்று இருக்கிறது. சியோமி நிறுவனம் ஏற்கனவே ரெட்மி நோட் 11, ரெட்மி நோட் 11S, ரெட்மி நோட் 11 ப்ரோ மற்றும் ரெட்மி நோட் 11 ப்ரோ பிளஸ் 5ஜி போன்ற ஸ்மார்ட்போன்களை இந்திய சந்தையில் அறிமுகம் செய்யப்பட்டு இருக்கிறது.
ரெட்மி நோட் 11S மாடல் போக்கோ சமீபத்தில் அறிமுகம் செய்த போக்கோ M4 ப்ரோ 5ஜி மாடலாக இருக்கும் என தகவல் வெளியாகி உள்ளது. இந்த ஸ்மார்ட்போன் விரைவில் சர்வதேச சந்தையில் அறிமுகம் செய்யப்பட இருக்கிறது. தற்போது FCC லிஸ்டிங்கில் வெளியாகி இருக்கும் தகவல்களின் படி புதிய ரெட்மி நோட் 11S மாடல் 4GB ரேம், 64GB மெமரி, 4GB ரேம், 128GB மெமரி, 6GB ரேம், 64GB மெமரி மற்றும் 6GB ரேம், 128GB மெமரி மாடல்களில் கிடைக்கும் என தெரியவந்துள்ளது.
இதே ஸ்மார்ட்போன் விவரங்கள் IMEI வலைதளத்திலும் இடம்பெற்று இருந்தது. லிஸ்டிங்கில் இந்த ஸ்மார்ட்போனின் பெயர் ரெட்மி நோட் 11S 5ஜி என்றே குறிப்பிடப்பட்டு இருக்கிறது. இதே ஸ்மார்ட்போன் K16B எனும் மாடல் நம்பரில் உருவாகி வருவதாக ஏற்கனவே தகவல் வெளியாகி உள்ளது.
அம்சங்களை பொருத்தவரை ரெட்மி நோட் 11S 5ஜி மாடலில் 6.6 இன்ச் 1080x2400 பிக்சல் LCD டிஸ்ப்ளே, 90Hz ரிப்ரெஷ் ரேட், மீடியாடெக் டிமென்சிட்டி 810 பிராசஸர் வழங்கப்படுகிறது. புகைப்படங்களை எடுக்க 50MP பிரைமரி கேமரா, 8MP அல்ட்ரா வைடு கேமரா, 2MP மூன்றாவது கேமரா, 16MP செல்ஃபி கேமரா வழங்கப்படும் என தெரிகிறது.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.