Netflix வயர்லெஸ் இயர்பட்ஸ், ஹெட்ஃபோன்களை அறிமுகம்!

Netflix நிறுவனம் boAt உடன் இணைந்து வயர்லெஸ் இயர்பட்ஸ் (TWS), ஹெட்ஃபோன்கள் மற்றும் வயர்லெஸ் நெக்பேண்ட் என பல்வேறு ஆடியோ கேட்ஜெட்களை அறிமுகப்படுத்துகிறது.

பிரபல ஓடிபி தளமான நெட்பிளிக்ஸ் நிறுவனம் தற்போது Boat ஆடியோ நிறுவனத்துடன் கைகோர்த்துள்ளது. நாய்ஸ் கேன்சல் வசதியுடன் கூடிய, ட்ரூ வயர்லெஸ் இயர்பட்ஸ் (TWS), ஹெட்ஃபோன்கள் மற்றும் வயர்லெஸ் நெக்பேண்ட் ஆகியவற்றை அறிமுகப்படுத்துகிறது. இந்த நெட்ஃபிக்ஸ் பிராண்டட் தயாரிப்புகள் அனைத்தும் டிசம்பர் 20 முதல் விற்பனைக்கு கிடைக்கும் என்று தெரிவிக்கப்பட்டுள்ளது.

boAt X Netflix ஸ்ட்ரீம் பதிப்பில் மூன்று கேட்ஜெட்டுகள் உள்ளன. அவை:  boAt Nirvana 751ANC, Airdopes 411ANC மற்றும் Rockerz 333 Pro ஆகும். இந்த ஆடியோ தயாரிப்புகள் தற்போது ப்ரீ புக்கிங் ஆர்டர் செய்துகொள்ளலாம். இதன் விற்பனை டிசம்பர் 20, மதியம் 12 மணி முதல் தொடங்கும், வாடிக்கையாளர்கள் அப்போது நேரடியாக ஆர்டர் செய்துகொள்ளலாம்.

boAt X Netflix Stream Edition வாங்க விரும்பும் வாடிக்கையாளர்கள் boAt இணையதளம், Amazon, Flipkart மற்றும் Myntra உள்ளிட்ட இ-காமர்ஸ் தளங்களுக்குச் சென்று ஆர்டர் செய்யலாம். இரு நிறுவனங்களும் தொடக்கத்தில் வாங்கும் பயனர்களுக்கு சிறப்பு சலுகைகளை அறிவித்துள்ளன. எனவே, boAt X Netflix Stream Edition தயாரிப்புகளை ஆரம்பத்தில் வாங்குபவர்கள் boAt மற்றும் Netflix இலிருந்து அற்புதமான பொருட்களை வெல்லும் வாய்ப்பைப் பெறுவார்கள்.

சிறப்பம்சங்கள்: 

boAt Nirvana 751ANC: இந்த வயர்லெஸ் ஹெட்ஃபோன்கள் 40mm டிரைவருடன், நாய்ஸ் கேன்சல் (33 dB வரை) வசதியுடன் வருகின்றன. ஹெட்ஃபோன்கள் 65 மணிநேரம் வரை பிளேபேக் நேரத்தை வழங்குகின்றன மற்றும் இதன் விலை ரூ.3,999 ஆகும்.

boAt Airdopes 411ANC: இந்த ட்ரூ வயர்லெஸ் ஸ்டீரியோ இயர்பட்கள் ANCயை (25 dB வரை) ஆதரிக்கின்றன மற்றும் 10mm டிரைவர்களை கொண்டுள்ளன. தெளிவான அழைப்புகள், சைகைக் கட்டுப்பாடுகள் மற்றும் 17.5 மணிநேரம் வரை பிளே பேக் நேரத்திற்கான ENx தொழில்நுட்பத்தை ஆதரிக்கிறது. BoAt Airdopes 411ANC இயர்பட்களின் விலை ரூ.2,999.

ராக்கர்ஸ் 333 ப்ரோ: இந்த நெக்பேண்ட் 10mm டிரைவர்கள் மற்றும் ENx தொழில்நுட்பத்தைக் கொண்டுள்ளது. இது 60 மணிநேரம் வரை பேட்டரி பேக்கப்பை வழங்குகிறது மற்றும் 20 மணிநேரம் வரை பிளேபேக் நேரத்தை ஆதரிக்கிறது. இதன் விலை ரூ.1,699.