
2026 புத்தாண்டு பிறக்க இன்னும் சில மணி நேரங்களே எஞ்சியுள்ள நிலையில், கூகுள் (Google) நிறுவனம் தனது பாணியில் கொண்டாட்டத்தைத் தொடங்கிவிட்டது. இன்று நீங்கள் கூகுள் தேடுபொறியைத் திறந்தால், உங்களுக்கு ஒரு இன்ப அதிர்ச்சி காத்திருக்கிறது. வழக்கமான கூகுள் லோகோவிற்குப் பதிலாக, ஒரு வண்ணமயமான மற்றும் உற்சாகமான அனிமேஷன் உங்களை வரவேற்கும். 2026 ஆம் ஆண்டு அதிகாரப்பூர்வமாகப் பிறப்பதற்கு முன்பே, அதன் உற்சாகத்தை பயனர்களுக்குக் கடத்தும் வகையில் கூகுள் தனது முகப்புப் பக்கத்தை மாற்றியமைத்துள்ளது.
டிசம்பர் 31, அதாவது 2025 ஆம் ஆண்டின் கடைசி நாளான இன்று, கூகுள் டூடுலைக் க்ளிக் செய்தால் ஒரு அழகான அனிமேஷன் தோன்றுகிறது. அதில் '2025' என்ற எண் ஒரு மிட்டாய் உறையைப் போல (Candy Wrapper) வடிவமைக்கப்பட்டுள்ளது. சிறிது நேரத்தில் அது வெடித்துச் சிதறி, உள்ளிருந்து '2026' என்ற எண் உற்சாகமாக வெளியே வருகிறது. பழைய நினைவுகளுடன் 2025-ஐ வழியனுப்பி, புதிய நம்பிக்கையுடன் 2026-ஐ வரவேற்பதை இது குறிக்கிறது. வண்ணமயமான ரிப்பன்கள், மினுமினுக்கும் நட்சத்திரங்கள் (Glitter and Stars) என பார்ட்டி வைப் (Party Vibe) குறையாமல் இந்த டூடுல் வடிவமைக்கப்பட்டுள்ளது.
இந்த வருடாந்திர டூடுல் என்பது வெறும் படம் மட்டுமல்ல; இது உலகம் முழுவதும் நடக்கும் புத்தாண்டுக் கொண்டாட்டத்தின் ஒரு டிஜிட்டல் சாட்சியாகும். கோடிக்கணக்கான மக்கள் தங்கள் குடும்பத்தினருடனும் நண்பர்களுடனும் இணைந்து, கடந்த ஆண்டின் நினைவுகளைப் பகிர்ந்து கொண்டு, புதிய ஆண்டை வரவேற்கத் தயாராகி வருகின்றனர். கடிகார முள் நள்ளிரவு 12-ஐத் தொடும் அந்த மந்திரத் தருணத்திற்காக உலகம் காத்திருப்பதை இந்த டூடுல் பிரதிபலிக்கிறது.
தொழில்நுட்ப ஜாம்பவானான கூகுள், இது போன்ற சிறப்பு நாட்களைத் தனித்துவமான டூடுல்கள் மூலம் கொண்டாடுவதை வழக்கமாகக் கொண்டுள்ளது. சுதந்திர தினம், ஒலிம்பிக் போட்டிகள் அல்லது உலகக் கோப்பை கிரிக்கெட் என எதுவாக இருந்தாலும், கூகுள் தனது தேடல் பக்கத்தில் அதற்கு முக்கியத்துவம் அளிக்கும். 1998 ஆம் ஆண்டு ஒரு எளிய செய்தியுடன் தொடங்கிய இந்த டூடுல் கலாச்சாரம், இன்று உலக அளவில் மிகவும் எதிர்பார்க்கப்படும் ஆக்கப்பூர்வமான டிஜிட்டல் பாரம்பரியமாக வளர்ந்துள்ளது.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.