மூடநம்பிக்கைகளுக்கு எதிராக சட்டம் தேவை: சட்டமன்றத்தில் வன்னி அரசு பேச்சு !

தமிழக சட்டமன்றத்தில் இன்று உரையாற்றிய விடுதலைச் சிறுத்தைகள் கட்சியின் (விசிக) சட்டமன்ற குழுத் தலைவர் வன்னி அரசு, பகுத்தறிவு சார்ந்த சில முக்கிய கோரிக்கைகளை முன்வைத்தார். மதச்சார்பற்ற கட்சிகளின் ஆதரவோடு அமைந்துள்ள இந்த அரசு, எவ்வித தடையுமின்றி 5 ஆண்டுகள் முழுமையாக நீடிக்கும் என்று தனது உரையில் அவர் நம்பிக்கை தெரிவித்தார். முக்கியமாக, அரசு நிர்வாகத்தில் ஜோதிட நம்பிக்கைகளுக்கு இடம் அளிக்கக் கூடாது என அவர் வலியுறுத்தினார். மேலும், சமூகத்தில் நிலவும் மூடநம்பிக்கைகளை ஒழிக்க அரசு ஒரு வலுவான சட்டத்தை இயற்ற வேண்டும் என்றும் அவர் கேட்டுக்கொண்டார். அறிவியல் பூர்வமான அணுகுமுறையே மக்கள் வளர்ச்சிக்கு உதவும் என்ற நோக்கில் விடுக்கப்பட்ட அவரது இந்த கோரிக்கை, தற்போது அரசியல் களத்தில் கவனம் பெற்றுள்ளது.