Tamil Nadu Budget 2022 : தமிழகத்தின் வருவாய் பற்றாக்குறை ரூ.7ஆயிரம் கோடி குறையும்: நிதிஅமைச்சர் பெருமை

Tamil Nadu Budget 2022 தமிழகத்தின் வருவாய் பற்றாக்குறை நடப்பு நிதியாண்டில்(2022-23) ரூ.7 ஆயிரம் கோடி குறைக்கப்பட்டுள்ளதாக பட்ஜெட்டில் நிதிஅமைச்சர் பிடிஆர் பழனிவேல் ராஜன் பெருமையாக்க குறிப்பிட்டார்.

தமிழகத்தின் வருவாய் பற்றாக்குறை நடப்பு நிதியாண்டில்(2022-23) ரூ.7 ஆயிரம் கோடி குறைக்கப்பட்டுள்ளதாக பட்ஜெட்டில் நிதிஅமைச்சர் பிடிஆர் பழனிவேல் ராஜன் பெருமையாக்க குறிப்பிட்டார்.

வருவாய் பற்றாக்குறை

2021-22ம் ஆண்டு திருத்தபட்ஜெட்டில், வருவாய் பற்றாக்குறை ரூ.58,692.68 கோடியாக மதிப்பிடப்பட்டுள்ளது. ஆனால், அஇஅதிமுக அரசு தாக்கல் செய்த இடைக்காலபட்ஜெட்டில் இந்த வருவாய்பற்றாக்குறை ரூ.41,417 கோடியாக இருந்தது. இதைத் திருத்தி ரூ.58,692 கோடியாக இருக்கும் எனத் தெரிவிக்கப்பட்டது.

நிதிப்பற்றாக்குறை குறைப்பு 

இந்நிலையில் 2022-23ம் நிதியாண்டுக்கான பட்ஜெட்டை நிதிஅமைச்சர் பிடிஆர் பழனிவேல் ராஜன் இன்று தாக்கல் செய்துவருகிறார். அதில், “ தமிழகத்தின் வருவாய் பற்றாக்குறை அளவு ரூ.7 ஆயிரம் கோடி குறைக்கப்பட்டுள்ளது. நிதிப்பற்றாக்குறை அளவு 4.61 சதவீதத்திலிருந்து 3.80சதவீதமாகக் குறைக்கப்பட்டுள்ளது. 

ஜிஎஸ்டி இழப்பீடு நடைமுறையை அடுத்த 2 ஆண்டுகளுக்கு நீட்டிக்க வேண்டும் என மத்திய அரசிடம் கோரப்படும். ஜிஎஸ்டி வரி கொண்டுவரப்பட்டபின் மாநில அரசின் வரிவருவாய் பாதிக்கப்பட்டுள்ளது. நாட்டின் வளர்ச்சியில் 10% தமிழகத்தின் பங்கு இருக்கும்போது, அதற்குரிய பிரதிநிதித்துவ நிதி கிடைப்பதில்லை. ” எனக் குறிப்பிட்டார்

 ஆனால், 2021-22ம் ஆண்டுக்கான திருத்த பட்ஜெட்டில் , 2022-23ம் ஆண்டில் வருவாய் பற்றாக்குறை ரூ.36,376.03 கோடியாகக் குறையும் எனத் தெரிவிக்கப்பட்டது. திருத்தபட்ஜெட்டில், வருவாய் பற்றாக்குறை ரூ.58,692.68 கோடி என மதிப்பிடப்பட்ட நிலையில், அதிலிருந்து ரூ.7 கோடி மட்டுமே குறைக்கப்பட்டுள்ளது.

திருத்த பட்ஜெட்

2021-22ம் ஆண்டு திருத்த பட்ஜெட்டில் மாநில மொத்த உற்பத்தி மதிப்பில் நிதிப்பற்றாக்குறை விகிதம் 4.33 சதவீதமாக இருக்கும் என்றும்,  இது 2022-23ம் ஆண்டில் 3.49%மாக குறைக்கப்படும் எனத் தெரிவிக்கப்பட்டிருந்தது. அதன்படி, நடப்பு நிதியாண்டில் நிதிப்பற்றாக்குறை, 3.80% குறைக்கப்பட்டுள்ளது.