தமிழகத்தில் 3 வங்கிகளில் ரூ.2,650 கோடிக்கு வரவு வைக்கப்பட்ட ரூ.2 ஆயிரம் நோட்டுகள்

தமிழகம் மற்றும் புதுவையில் உள்ள மூன்று வணிக வங்கிகளில் மட்டும் 2 ஆயிரம் ரூபாய் நோட்டுகள் ரூ.2 ஆயிரத்து 650 கோடி அளவுக்கு வரவு வைக்கப்பட்டுள்ளதாக தகவல்கள் வெளியாகி உள்ளன.

நாடு முழவதும் புழக்கத்தில் இருந்த 2 ஆயிரம் ரூபாய் நோட்டுகள் திரும்பப் பெறப்படுவதாக இந்திய ரிசர்வ் வங்கி அறிவிப்பு வெளியிட்டது. இதன் அடிப்படையில் புழக்கத்தில் இருந்த 2 ஆயிரம் ரூபாய் நோட்கள் இதுவரை 96 சதவீதம் வங்கிகளுக்கு திரும்பிவிட்டதாக அறிவித்திருக்கும் ரிசர்வ் வங்கி, 2 ஆயிரம் ரூபாய் நோட்டுகளை மாற்றுவதற்கான காலக்கெடுவை வருகின்ற அக்டோபர் 7ம் தேதி வரை நீட்டித்துள்ளது.

இந்நிலையில், இந்தியன் ஓவர்சீஸ் வங்கியில் இதுவரை மொத்தம் 4 ஆயிரம் கோடி 2 ஆயிரம் ரூபாய் நோட்டுகள் திரும்ப வந்திருப்பதாகவும், சிட்டி யூனியன் வங்கியில் 726 கோடி மதிப்புள்ள 2 ஆயிரம் ரூபாய் நோட்டுகள் திரும்ப பெறப்பட்டுள்ளன. தமிழ்நாடு மெர்க்கண்டைல் வங்கியில் 693 கோடி ரூபாய் திரும்பி வந்திருப்பதாவும் கூறப்படுகிறது.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

கடந்த மே 19ம் தேதி நிலவரப்படி நாடு முழுவதும் 3.5 லட்சம் கோடி மதிப்புள்ள 2 ஆயிரம் ரூபாய் நோட்டுகள் புழக்கத்தில் இருந்ததாகவும், செப்டம்பர் 29ம் தேதி வரை 3.4 லட்சம் கோடி மதிப்புள்ள நோட்டுகள் திரும்ப வந்துவிட்டதாகவும், அதாவது மொத்த மதிப்பில் 96 சதவீதம் என்று மதிப்பிடப்பட்டுள்ளது.

அதன்படி அக்டோபர் 8ம் தேதி முதல் வங்கிகளில் 2 ஆயிரம் ரூபாய் நோட்டுகளை மாற்றிக்கொள்ளவோ, வங்கிக் கணக்கில் வரவு வைக்கவோ முடியாது என்று தெரிவிக்கப்பட்டுள்ளது.