வித்தை காட்டும் அண்ணாமலை! அதிமுக ஆட்சியில் நடந்த பாலியல் குற்றங்களை லிஸ்ட் போட்ட அமைச்சர் கீதாஜீவன்!
By vinoth kumar | First Published Dec 28, 2024, 12:24 AM ISTஅமைச்சர் கீதாஜீவன், அதிமுக ஆட்சியில் நடைபெற்ற பாலியல் குற்றங்களை கடுமையாக விமர்சித்தார். திமுக ஆட்சியில் விரைந்து நடவடிக்கை எடுக்கப்படுவதாகவும் அவர் தெரிவித்தார்.
சமூகநலம் - மகளிர் உரிமைத்துறை அமைச்சர் கீதாஜீவன் செய்தியாளர்களுக்கு பேட்டியளிக்கையில்: கிண்டி அண்ணா பல்கலைக்கழக வளாகத்தில் தனக்கு நடந்த வன்கொடுமைதொடர்பாக தைரியமாக புகார் கூறிய மாணவிக்கு நன்றிகள், பாராட்டுகள். ஏனென்றால், நேர்ந்த கொடுமை இனி யாருக்கும் நடக்கக் கூடாது என அவர் தைரியமாக புகார் அளித்ததற்கு பாராட்டுகள். இவ்வாறு பெண்கள் தைரியமாக புகாரளிக்க முன்வர வேண்டும். அப்படி வந்தால்தான், குற்றச் செயல்கள் நிகழாத வகையிலான நிலையை உருவாக்கித் தர முடியும்.
இதையும் படிங்க: பெண்களுக்கு அடிக்கப்போகும் ஜாக்பாட்! ரூ.2000ஆக உயர்த்தப்படும் மகளிர் உரிமை தொகை? எப்போது தெரியுமா?
Latest Videos
undefined
ஒரு சில வழக்குகளில் நிலவும் சூழல் அல்லது காவல் அதிகாரியின் கவன குறைவாலோ ஒரு தவறு நடந்தால் கூட அரசின் கவனத்திற்கு வரும்போது அதில் உடனடியாக நடவடிக்கை எடுக்கப்படுகிறது. குறிப்பாக அண்ணாநகர் சிறுமி பாலியல் வன்கொடுமை வழக்கில் முதலமைச்சர் அவர்கள் கவனத்திற்கு வந்தவுடன், உடனடியாக அனைத்து மகளிர் காவல்நிலையத்திற்கு சொல்லி நடவடிக்கை எடுக்கப்பட்டது. நம்முடைய வளர் இளம் பெண்களுக்கு போக்சோ சட்டத்தில் என்னென்ன நடவடிக்கைகள் மேற்கொள்ள முடியும் எனத் தெரியாமல் இருந்தது. இது குறித்து விழிப்புணர்வை, கல்வித்துறை, சமூக நலத்துறை, காவல்துறை இணைந்து அனைத்து பள்ளிகளிலும் விழிப்புணர்வு ஏற்படுத்தியுள்ளோம்.
இதையும் படிங்க: ஓட்டுப்பிச்சை எடுப்பதற்காக இப்படி! அண்ணாமலை செயல்பாடு அநாகரீகமானது! வன்னி அரசு விளாசல்!
இதனால் அவர்கள் தைரியமாக புகார் அளிக்க முடிகிறது. மேலும் புகார் கொடுக்கும் நபர்களின் விவரங்கள் ரகசியம் காக்கப்படும். இதன் காரணமாகத் தான், தாயாக இருந்தாலும் தங்களின் குழந்தைகளுக்கு நடந்ததை கூறி புகார் அளிக்க முன் வருகிறார்கள். அதிமுக ஆட்சியில் எத்தனையோ குற்றச்செயல்கள் நடைபெற்றது. பொள்ளாச்சி குற்றநிகழ்வு ஒன்றே அந்த பொல்லாத ஆட்சிக்கு சான்று. வழக்கே தொடுக்கவில்லை, புகார் கொடுத்தவர்கள் மிரட்டப்பட்டார்கள். திமுக உள்ளிட்ட கட்சிகள் ஆர்ப்பாட்டம், போராட்டம் என நடத்திய பின்னர் தான் மத்திய புலன் விசாரணை நடைபெற்றது. அதிமுக நிர்வாகிகளே அந்த வழக்கில் சமந்தப்பட்டு இருந்தார்கள், கட்சிக்காரர்களை பாதுகாக்கும் வகையில் எடப்பாடி பழனிசாமி தலைமையிலான ஆட்சி நடைபெற்றது.
ஆனால் கிண்டி அண்ணா பல்கலைக்கழக மாணவிக்கு நேர்ந்த கொடுமை வழக்கில் 3 மணி நேரத்தில், சம்பந்தப்பட்டவர் கைது செய்யபட்டார். இனி அவருக்கு தகுந்த தண்டனை வாங்கி தரப்படும் என்பதில் எந்தவொரு ஐயப்பாடுமில்லை. சென்னை மாநகர காவல் ஆணையரும் இந்த புகார் தொடர்பாக விளக்கம் அளித்துள்ளார். வெறும் வாயை மென்றுக் கொண்டிருந்த அதிமுகவும், பாஜகவும் இந்த ஒரு வழக்கு கிடைத்ததும் அவர்கள் தொடர்ந்து அறிக்கைகளை விட்டுக்கொண்டு இருக்கிறார்கள். தூத்துக்குடி தூப்பாக்கி சூடு நடந்த சம்பவம் அதிமுக ஆட்சியின் நிர்வாக சீர்க்கேடு, அப்படி நிர்வாகம் செய்தவர் எல்லாம் நம்முடைய தளபதியின் ஆட்சியை கேள்வி கேட்கிறார்கள். அதிமுக ஆட்சியில் நடந்த அவலங்களை கூற நேரம் போதாது அப்படி ஆட்சியை எடப்பாடி பழனிசாமி நடத்தினார்.
பாஜக தலைவரோ செய்தியாளர்களை அழைத்து வித்தை காண்பித்து கொண்டு இருக்கிறார். குழந்தைகளுக்கு வித்தை காண்பிப்பது போல கயிறால் அடித்து கொண்டு செய்தியாளர்களுக்கு வித்தை காண்பித்தார். குற்றச்செயல் செய்த ஞானசேரன் திமுக என கூறுகின்றனர். ஆனால் அவர் திமுகவை சேர்ந்தவர் இல்லை. சைதை பகுதி கழகத்தில் பொறுப்பில் இருப்பவர் டி.ஞானசேகர். அவர் வேறு என நாங்கள் எத்தனையோ முறை கூறிவிட்டோம். அதிமுக ஆட்சியில் நடந்த பாலியல் குற்றங்கள் சிலவற்றை கூறுகிறேன்.
சென்னை போரூரில் 2017ல், 6 வயது சிறுமி வன்கொடுமை செய்து கொல்லப்பட்டார். மாமல்லபுரம் அருகே ஜெர்மன் நாட்டை சேர்ந்த பெண் ஒருவரை இருவர் மிரட்டி பாலியல் வன்கொடுமை. காஞ்சிபுரத்தில் அணைக்கட்டில் பெண்ணை மிரட்டி கூட்டு பாலியல் வன்கொடுமை. தூத்துக்குடியில் 14 வயது சிறுமி பாலியல் வன்கொடுமை செய்து எரித்துக் கொலை. இப்படி அடுக்கிக்கொண்டே போலாம். அவர்கள் எந்த ஒரு நடவடிக்கையும் எடுக்கவில்லை. ஆனால் திமுக ஆட்சியில் உடனடியாக அனைத்து வழக்குகளிலும் நடவடிக்கை எடுக்கப்பட்டு வருகிறது. பாதம் தாங்கி எடப்பாடி பழனிசாமி, கடந்த, 24-ம் தேதி நடந்த நிகழ்வுக்கு 27-ம் தேதி நான்கு மணிக்கு பேசுகிறார். அத்தனை விளக்கங்களும் கொடுத்த பிறகும் அதைப் பற்றியே மீண்டும் மீண்டும் பேசிக் கொண்டிருக்கிறார் என கீதாஜீவன் கூறியுள்ளார்.
சேனலை கிளிக் செய்து பின்தொடரவும்