5, 8-ம் வகுப்புகளுக்கான பொதுத்தேர்வு அட்டவணை வெளியீடு... பள்ளிக்கல்வித்துறை அதிரடி..!

5-ம் வகுப்பு மற்றும் 8-ம் வகுப்புகளுக்கு பொதுத்தேர்வு நடத்த மத்திய அரசு முடிவு செய்தது. மேலும் மத்திய அரசின் முடிவை மசோதாவாகவும் தாக்கல் செய்தனர். இந்த நடைமுறையை அந்தந்த மாநிலங்களே முடிவு செய்து கொள்ளலாம் என மத்திய அரசு அறிவித்தது. மத்திய அரசின் முடிவின்படி, தமிழகத்தில் 5 மற்றும் 8-ம் வகுப்புகளுக்கு பொதுத்தேர்வு நடத்தப்படும் என பள்ளிக்கல்வித்துறை அறிவித்தது.

தமிழகத்தில் 5 மற்றும் 8-ம் வகுப்புகளுக்கான பொது்தேர்வு அட்டவணையை பள்ளிக்கல்வித்துறை இன்று வெளியிட்டுள்ளது. 

5-ம் வகுப்பு மற்றும் 8-ம் வகுப்புகளுக்கு பொதுத்தேர்வு நடத்த மத்திய அரசு முடிவு செய்தது. மேலும் மத்திய அரசின் முடிவை மசோதாவாகவும் தாக்கல் செய்தனர். இந்த நடைமுறையை அந்தந்த மாநிலங்களே முடிவு செய்து கொள்ளலாம் என மத்திய அரசு அறிவித்தது. மத்திய அரசின் முடிவின்படி, தமிழகத்தில் 5 மற்றும் 8-ம் வகுப்புகளுக்கு பொதுத்தேர்வு நடத்தப்படும் என பள்ளிக்கல்வித்துறை அறிவித்தது. 

இதுதொடர்பாக பள்ளிக்கல்வித்துறை அமைச்சர் கூறுகையில் மாணவர்களின் கல்வித் தரத்தை உயர்த்த மட்டுமே இந்த பொதுத்தேர்வு நடத்தப்படுவதாகவும், இதுகுறித்து மாணவர்களோ, பெற்றோர்களோ அச்சம் அடைய தேவையில்லை என செங்கோட்டையன் தெரிவித்திருந்தார். 

இந்நிலையில், மார்ச் மற்றும் ஏப்ரல் மாதம் நடைபெற உள்ள பொதுத்தேர்வு அட்டவணை இன்று வெளியிடப்பட்டுள்ளது. அதன்படி, 5-ம் வகுப்புக்கான தேர்வு 2020-ம் ஆண்டு ஏப்ரல் 14-ம் தேதி தொடங்கி ஏப்ரல் 20-ம் தேதி வரை நடைபெறுகிறது. அதேபோல், 8-ம் வகுப்புக்கான பொதுத்தேர்வு 2020 மார்ச் 30-ம் தேதி தொடங்கி ஏப்ரல் 17-ம் தேதியுடன் நிறைவடைகிறது. மாணவர்கள் வினாத்தாள் படிப்பதற்கு 10 நிமிடம், விவரங்களை பதிவு செய்ய 5 நிமிடங்களும் வழங்கப்படும். பின்னர், தேர்வு 10.15 மணிக்கு தொடங்கி 12.15 மணி வரை நடைபெற உள்ளது. 

தேர்வுகள் விவரம்;-

8-ம் வகுப்பு பொதுத்தேர்வு அட்டவணை: மார்ச் 30 - தமிழ், ஏப்ரல் 2 - ஆங்கிலம், ஏப்ரல் 8 - கணிதம், ஏப்ரல் 15 - அறிவியல், ஏப்ரல் 17 - சமூக அறிவியல்.

5-ம் வகுப்பு பொதுத்தேர்வு அட்டவணை ஏப்ரல் 15 - தமிழ், ஏப்ரல் 17 - ஆகங்கிலம், ஏப்ரல் 20 - கணிதம் ஆகிய 3 பாடங்களுக்கு மட்டுமே பொதுத்தேர்வு நடைபெற உள்ளது.