ஐசிசியின் சிறந்த கிரிக்கெட் வீரர் விருதை பெறுகிறார் வீராட் கோலி; சிறந்த கேப்டனும் இவர் தானாம்...

Virat Kohli gets ICC Cricketer of the Year award He is the best captain ...

2017-ஆம் ஆண்டுக்கான ஐசிசியின் சிறந்த கிரிக்கெட் வீரர் மற்றும் சிறந்த கேப்டன் ஆகிய விருதுகளை பெறுகிறார் இந்திய கேப்டன் விராட் கோலி.

துபையில் நேற்று ஐசிசி வெளியிட்ட அறிவிப்பின்படி, சிறந்த கிரிக்கெட் வீரருக்கான சர் கார்ஃபீல்ட் சோபர்ஸ் கோப்பையை விராட் கோலி கைப்பற்றினார்.

அத்துடன் சிறந்த ஒருநாள் கிரிக்கெட் வீரராகவும் தேர்வு செய்யப்பட்ட அவர், 2017-ஆம் ஆண்டுக்கான ஐசிசி டெஸ்ட் மற்றும் ஒருநாள் கிரிக்கெட் அணிகளுக்கான கேப்டனாகவும் அவர் தேர்வாகியுள்ளார்.

இந்த விருதுகளுக்கான மதிப்பீட்டுக் காலத்தில் (2016 செப்டம்பர் 21 முதல் 2017 இறுதி வரை) கோலி டெஸ்ட் போட்டிகளில் மொத்தமாக 8 சதங்களுடன் 2,203 ஓட்டங்கள் விளாசியுள்ளார். 77.80 ஓட்டங்களை சராசரியாக வைத்துள்ளார்.

ஒருநாள் போட்டிகளில் 7 சதங்களுடன் 1,818 ஓட்டங்களை குவித்து 82.63 ஓட்டங்களை சராசரியாகக் கொண்டுள்ளார். டி20 போட்டிகளில் 299 ரன்களுடன், 153-ஐ ஸ்டிரைக் ரேட்டாகக் கொண்டுள்ளார்.

இங்கிலாந்துக்கு எதிரான ஆஷஸ் டெஸ்ட் தொடரை 4-0 என்ற கணக்கில் வென்ற ஆஸ்திரேலிய அணியின் கேப்டனான ஸ்டீவ் ஸ்மித், 2017-ஆம் ஆண்டுக்கான சிறந்த டெஸ்ட் கிரிக்கெட் வீரராகத் தேர்வாகியுள்ளார்.

மதிப்பீட்டுக் காலத்தில் அவர் 16 போட்டிகளில் 8 சதங்கள், 5 அரைசதங்கள் உள்பட மொத்தமாக 1,875 ஓட்டங்கள் அடித்ததுடன், 78.12 ஓட்டங்களை சராசரியாக வைத்துள்ளார்.