புரோ கபடி: தமிழ் தலைவாஸ் அணியை பங்கமாக வீழ்த்தியது தெலுங்கு டைட்டன்ஸ் அணி

Pro Kabaddi Telugu Titans team has been beaten by the Telugu Titans team

புரோ கபடி லீக் சீசன் – 5 போட்டியின் 54-வது ஆட்டத்தில் தெலுங்கு டைட்டன்ஸ் அணி 33-28 என்ற புள்ளிகள் கணக்கில் தமிழ் தலைவாஸ் அணியை பங்கமாக வீழ்த்தியது.

புரோ கபடி லீக் சீசன் – 5 போட்டியின் 54-வது ஆட்டம் மும்பையில் நேற்று நடைபெற்றது.

இந்த ஆட்டத்தின் ஆரம்பத்தில் அபாரமாக ஆடிய தமிழ் தலைவாஸ் 3-0 என்ற கணக்கில் முன்னிலை பெற்றது.

பிறகு 7-வது நிமிடத்தில் ஸ்கோரை 5-5 என்ற கணக்கில் சமன் செய்த தெலுங்கு டைட்டன்ஸ் அணி, முதல் பாதி ஆட்டநேர முடிவில் 12-10 என்ற கணக்கில் முன்னிலை பெற்றது.

பின்னர் நடைபெற்ற 2-வது பாதி ஆட்டத்தில் தெலுங்கு டைட்டன்ஸ் அணி, 33-28 என்ற புள்ளிகள் கணக்கில் வெற்றி கண்டது.

தெலுங்கு டைட்டன்ஸ் தரப்பில் சோம்பிர் 10 புள்ளிகளைப் பெற்றுத் தந்தார்.

தமிழ் தலைவாஸ் தரப்பில் அதன் கேப்டன் அஜய் தாக்குர் 7 புள்ளிகளைக் கைப்பற்றினார். 

இதில் வெற்றிப் பெற்றதன்மூலம் 3-வது வெற்றியைப் பெற்றுள்ள தெலுங்கு டைட்டன்ஸ் அணி, அடுத்த சுற்று வாய்ப்பையும் தக்கவைத்துக் கொண்டது.

இதுவரை எட்டு ஆட்டங்களில் விளையாடியுள்ள தமிழ் தலைவாஸ் அணிக்கு இது 5-வது தோல்வி.