அரையிறுதியில் சன் வான் ஹோவைச் சந்திக்கிறார் காஷ்யப்…

கொரிய ஓபன் கிராண்ட் ஃப்ரீ பாட்மிண்டன் போட்டியில் இந்தியாவின் பி.காஷ்யப், ஆடவர் ஒற்றையர் பிரிவில் அரையிறுதிச் சுற்றுக்கு வெள்ளிக்கிழமை முன்னேறினார்.

முன்னதாக, தனது காலிறுதியில் கொரியாவின் ஜியோன் ஹையோக் ஜின்னை எதிர்கொண்டார் காஷ்யப்.

இருவருக்கும் இடையே சுமார் 1 மணி நேரம் நடைபெற்ற இந்த ஆட்டத்தில் 18-21, 21-8, 21-16 என்ற செட் கணக்கில் காஷ்யப் வெற்றி பெற்றார்.

அவர் தனது அரையிறுதியில், போட்டித் தரவரிசையில் முதலிடத்தில் இருப்பவரும், கொரியாவைச் சேர்ந்தவருமான சன் வான் ஹோவைச் சந்திக்க உள்ளார்.