☰
சென்னை சேப்பாக்கம் மைதானத்தில் சென்னை சூப்பர் கிங்ஸ் மற்றும் மும்பை இந்தியன்ஸ் அணிகள் வரும் 23ம் தேதி மோத உள்ள நிலையில், இந்த போட்டிக்கான டிக்கெட் விற்பனை தேதி அதிகாரப்பூர்வமாக அறிவிக்கப்பட்டுள்ளது.
CSK vs MI ticket sales starting date announcement: இந்தியா மட்டுமின்றி உலக கிரிக்கெட் ரசிகர்கள் ஆவலுடன் எதிர்பார்க்கும் ஐபிஎல் 2025 சீசன் மார்ச் 22ம் தேதி முதல் தொடங்க உள்ளது. முதல் போட்டியில் ராயல் சேலஞ்சர்ஸ் பெங்களூரு மற்றும் கொல்கத்தா நைட் ரைடர்ஸ் அணிகள் மோத உள்ளன. சென்னை சூப்பர் கிங்ஸ் அணி தனது முதல் போட்டியில் மார்ச் 23ம் தேதி மும்பை இந்தியன்ஸ் அணியை எதிர்த்து விளையாடுகிறது.
இந்த போட்டி சென்னை சேப்பாக்கம் மைதானத்தில் நடைபெற உள்ள நிலையில், சிஎஸ்கே மும்பை போட்டிக்கான டிக்கெட் விற்பனை எப்போது தொடங்கும் என ரசிகர்கள் ஆவலுடன் எதிர்பார்த்திருந்தனர். இந்நிலையில், சிஎஸ்கே மேட்ச் டிக்கெட் தொடர்பாக அதிகாரப்பூர்வ அறிவிப்பு வெளியிடப்பட்டுள்ளது.
டிக்கெட் விலை என்ன?
அதாவது மார்ச் 23ம் தேதி நடக்கும் சென்னை மும்பை போட்டிக்கான ஆன்லைன் டிக்கெட் விற்பனை மார்ச் 19ம் தேதி (புதன்கிழமை) காலை 10.30 மணிக்கு www.chennaisuperkings.comஎன்ற சிஎஸ்கேவின் அதிகாரப்பூர்வ இணையதளத்தில் தொடங்கும் என சிஎஸ்கே நிர்வாகம் அதிகாரப்பூர்வமாக அறிவித்துள்ளது.
சென்னை சூப்பர் கிங்ஸ், மும்பை இந்தியன்ஸ் போட்டிக்கான டிக்கெட் விற்பனை ரூ.1700 முதல் தொடங்கி ரூ.75000 வரை நிர்ணயம் செய்யப்பட்டுள்ளது. அதாவது C/D/E Lowerகேலரிக்கு ரூ.1,700 டிக்கெட் நிர்ணயம் செய்யப்பட்டுள்ளது. இதேபோல் 1/J/K Upperகேலரிக்கு 2,5000 ரூபாயும், 1/J/K Lowerகேலரிக்கு 4,0000 ரூபாயும், C/D/E Upperகேலரிக்கு 3,500 ரூபாயும், KMK Terraceகேலரிக்கு 7,500 ரூபாயும் கட்டணமாக நிர்ணயம் செய்யப்பட்டுள்ளது.
ஒரு நபர் எத்தனை டிக்கெட் வாங்கலாம்?
ஒரு நபருக்கு இரண்டு டிக்கெட் மட்டுமே வழங்கப்படும் என அறிவிக்கப்பட்டுள்ளது. மேலும் டிக்கெட் வாங்கியவர்கள் போட்டியை பார்க்க வரும்போது கடைபிடிக்க வேண்டிய நெறிமுகளையும் சிஎஸ்கே வெளியிட்டுள்ளது. அவை பின்வருமாறு:
* டிக்கெட் வாங்கிய ரசிகர்கள் டிக்கெட்டுகளில் குறிப்பிடப்பட்டுள்ள நுழைவு வாயிலின்படி உள்ளே நுழைய வேண்டும்.
* கார் பார்க் மற்றும் டூ வீலர் பார்க்கிங் ஆகியவை உள்ளன. தொந்தரவு இல்லாத வாகன நிறுத்துமிடத்திற்கு விளையாட்டு தொடங்குவதற்கு குறைந்தது இரண்டு மணி நேரத்திற்கு முன்பே வர வேண்டும்.
கார் பார்க்கிங் செய்யும் இடங்கள்
a. கலைவனார் அரங்கம்
b. வாலாஜா சாலையில் உள்ள வி பட்டாபிராமன் வாயிலுக்கு பி.டபிள்யூ.டி-ஓபோசைட்
c. மெட்ராஸ் பல்கலைக்கழக வளாகம்
d. ஒமுண்டுரார் மருத்துவக் கல்லூரி வளாகம்.
e. ரயில்வே கார் பார்க்கிங்
f. விக்டோரியா ஹாஸ்டல்
* போட்டி நடைபெறும் நாட்களில் கார், பைக்குகளை தவிர்த்து பேருந்து, மெட்ரோ உள்ளிட்ட பொது போக்குவரத்தை பயன்படுத்தும்படி கேட்டுக் கொள்ளப்படுகிறது.
மெட்ரோ ரயிலில் இலவச பயணம்
* சென்னை சூப்பர் கிங்ஸ் சென்னை மெட்ரோ ரெயில் லிமிடெட் (சி.எம்.ஆர்.எல்) மற்றும் மெட்ரோபொலிட்டன் டிரான்ஸ்போர்ட் கார்ப்பரேஷன் (சென்னை) ஆகியோருடன் கூட்டு சேர்ந்துள்ளது. இதன் மூலம் போட்டி டிக்கெட்டுகளைக் கொண்ட ரசிகர்கள் மெட்ரோ ரெயில் மற்றும் எம்டிசி பேருந்துகளில் போட்டிகளில் இலவசமாக பயணிக்க முடியும்.
* சேப்பாக்கம் மைதானம் பிளாஸ்டிக் இல்லாத மண்டலம் மற்றும் பிளாஸ்டிக் பைகள் அல்லது வேறு எந்த பிளாஸ்டிக் தொடர்பான பொருட்களும் வளாகத்திற்குள் அனுமதிக்கப்படாது.
*
சேப்பாக்கம் மைதானத்தில் சிகரெட், பீடி, குட்கா, பான் மசாலா அல்லது வேறு எந்த புகையிலை பொருட்களும் வளாகத்திற்குள் அனுமதிக்கப்படாது.
சேப்பாக்கம் மைதானத்தில் தண்ணீர் வசதி
* சேப்பாக்கம் மைதானத்தில் தூய குடிநீர் அனைத்து நிலைகளிலும் பொதுமக்களுக்கு இலவசமாக கிடைக்கிறது.
* அரங்கத்தை அணுக சக்கர நாற்காலி தேவைப்படும் உடல் ரீதியாக சவாலான ரசிகர்களுக்கு சக்கர நாற்காலி வழங்கப்படும்.
ஆன்லைன் டிக்கெட்டுகளை வாங்கும் ரசிகர்கள் மைதான வாயிலில் பார்கோடு / கியூஆர் குறியீட்டைக் கொண்டு மின் டிக்கெட்டுகளை ஸ்கேன் செய்வதன் மூலம் உள்ளே நுழைய அனுமதிக்கப்படுவார்கள்.
சென்னை சேப்பாக்கம் மைதானத்தில் சென்னை சூப்பர் கிங்ஸ் மற்றும் மும்பை இந்தியன்ஸ் அணிகள் வரும் 23ம் தேதி மோத உள்ள நிலையில், இந்த போட்டிக்கான டிக்கெட் விற்பனை தேதி அதிகாரப்பூர்வமாக அறிவிக்கப்பட்டுள்ளது.
சேனலை கிளிக் செய்து பின்தொடரவும்
