சர்வதேச துப்பாக்கி சுடும் போட்டியில் இந்திய வீராங்கனை தங்கம் வென்று அசத்தல்...
சுருக்கம்
Indian shooter wins gold in international shootings
ஹனோவர் சர்வதேச துப்பாக்கி சுடும் போட்டியில் இந்தியாவின் ஹீனா சித்து தங்கம் வென்று அசத்தினார். நிவேதா வெண்கலம் வென்றார்.
வரும் 22 முதல் 29-ஆம் தேதி வரை உலக துப்பாக்கி சுடும் போட்டிகள் நடக்கின்றன. ஜெர்மனியின் முனிக் நகரில் இந்தப் போட்டிகள் நடைபெற இருக்கின்றன. இதற்கு இந்திய துப்பாக்கி சுடும் வீரர்கள் தயாராகி வருகின்றனர்.
இந்த நிலையில் காமன்வெல்த் போட்டியில் தங்கம் வென்ற ஹீனா சித்துவும் இதற்காக தீவிர பயிற்சி எடுத்து வருகிறார். அதனொரு பகுதியாக நேற்று நடைபெற்ற ஹனோவர் சர்வதேச துப்பாக்கி சுடும் போட்டியில் அவர் கலந்து கொண்டார்.
இதன், மகளிர் 10 மீ ஏர்பிஸ்டல் பிரிவில் ஹீனா தங்கம் வென்று அசத்தினார். சக வீராங்கனையான நிவேதா வெண்கலம் வென்றார். பிரான்ஸ் வீராங்கனை மதில்டே லமோலை பின்னுக்கு தள்ளி ஹீனா தங்கம் வென்றார்.
இதுதொடர்பாக ஹீனா, "தற்போது எனது பயிற்சி மேம்பட்டு வருகிறது. இந்த போட்டியில் பெற்ற வெற்றி உலக துப்பாக்கி சுடும் போட்டிக்கான அனுபவத்தை தந்துள்ளது. சரியான திசையில் எனது பயிற்சி செல்கிறது" என்று அவர் தெரிவித்தார்.
கிரிக்கெட் மற்றும் விளையாட்டு உலகின் (Sports News in Tamil) நிமிட நிமிட தமிழ் செய்தி அப்டேட்களுக்காக ஏஷ்யாநெட் தமிழ்-ஐ பின்பற்றுங்கள். IPL லைவ் உட்பட டீம் இந்தியாவின் பிரேக்கிங் நியூஸ் (Cricket News in Tamil), சிறப்பு ரிப்போர்ட்கள் மற்றும் நேரலைகளுடன் முழுமையான தகவல்கள் உங்களுக்கு ஒரே கிளிக்கில் கிடைக்கும். ஏஷ்யாநெட் தமிழ் அதிகாரப்பூர்வ ஆப்பைப் டவுன்லோடு செய்து அனைத்து அப்டேட்களையும் பெறுங்கள்.