முதல் ஒருநாள் கிரிக்கெட் போட்டி : இந்தியா, நியூசிலாந்து இன்று மோதல்

இந்தியா- நியூசிலாந்து அணிகளுக்கு இடையேயான முதல் ஒருநாள் கிரிக்கெட் போட்டி தர்மசாலாவில் இன்று நடைபெறுகிறது. 

நியூசிலாந்து அணி இந்தியாவில் சுற்றுப்பயணம் மேற்கொண்டு விளையாடி வருகிறது. முன்னதாக நடந்து முடிந்த 3 டெஸ்ட் போட்டிகளிலும் நியூசிலாந்து அணியை தோற்கடித்த இந்தியா 3-0 என்ற கணக்கில் தொடரை கைப்பற்றியது. இந்நிலையில் இருஅணிகளுக்கு இடையேயான முதல் ஒருநாள் கிரிக்கெட் போட்டி இமாச்சல பிரதேச மாநிலம் தர்மசாலாவில் இன்று பகல் இரவு ஆட்டமாக நடைபெறுகிறது.

இதனையொட்டி இருஅணி வீரர்களூம் தீவிர வலைப்பயிற்சியில் ஈடுபட்டனர். டெஸ்ட் தொடரை வென்றது போன்று ஒருநாள் தொடரையும் கைப்பற்றும் உத்வேகத்துடன் கேப்டன் தோனி தலைமையில் இந்திய அணி இன்று களம் இறங்குகிறது.