இந்தியா - இங்கிலாந்து அணிகள் இன்று மோதுகிறது…

உலக ஜூனியர் ஹாக்கிப் போட்டியில் இந்தியா - இங்கிலாந்து அணிகள் சனிக்கிழமை மோதுகின்றன.

இந்த ஆட்டத்தில் இந்திய அணி வெற்றி பெறும் பட்சத்தில் அதன் காலிறுதி வாய்ப்பு ஏறத்தாழ உறுதியாகிவிடும். எனினும், முந்தை ஆட்டத்தில் தென் ஆப்பரிக்காவை 4-2 என்ற கணக்கில் வீழ்த்தியுள்ள இங்கிலாந்து அணியை வீழ்த்துவது இந்தியாவுக்கு சற்று கடினமான இலக்காகும். இந்த ஆட்டம் மாலை 6 மணியளவில் நடைபெற உள்ளது.

இதனிடையே, சனிக்கிழமை நடைபெற உள்ள இதர ஆட்டங்களில் கொரியா-ஆஸ்திரியா, தென் ஆப்பிரிக்கா-கனடா, ஆர்ஜென்டீனா-ஆஸ்திரேலியா அணிகள் மோதுகின்றன.

முன்னதாக, வெள்ளிக்கிழமை நடைபெற்ற ஆட்டங்களில், நடப்புச் சாம்பியன் ஜெர்மனி 2-1 என்ற கோல் கணக்கில் நியூஸிலாந்தை வீழ்த்தியது. எகிப்தை 4-0 என்ற கோல் கணக்கில் பெல்ஜியமும், மலேசியாவை 7-2 என்ற கோல் கணக்கில் நெதர்லாந்தும் வீழ்த்தின.

ஆஸ்திரியா - ஆர்ஜென்டீனா மோதிய ஆட்டம் 1-1 என்ற கோல் கணக்கில் டிரா ஆனது.