ஒரு வழியாக மீண்டும் முதலிடத்தைப் பிடித்தார் செரினா…

மகளிர் ஒற்றையர் டென்னிஸ் தரவரிசையில் அமெரிக்காவின் செரீனா வில்லியம்ஸ் மீண்டும் முதலிடத்தைப் பிடித்து அசத்தினார்.

முன்னதாக இரண்டாவது இடத்தில் இருந்த செரீனா, ஆஸ்திரேலிய ஓபனில் சாம்பியன் பட்டம் வென்றதன் மூலம் ஜெர்மனியின் ஏஞ்ஜெலிக் கெர்பரை பின்னுக்குத் தள்ளி முதலிடத்தைப் பிடித்துள்ளார்.

இப்போது, கெர்பர் இரண்டாவது இடத்திலும், செக்.குடியரசின் கரோலினா பிளிஸ்கோவா மூன்றாவது இடத்திலும் உள்ளனர்.

ஆடவர் ஒற்றையர் தரவரிசையைப் பொறுத்தவரையில் பிரிட்டனின் ஆன்டி முர்ரே, முதல் இடத்தையும், செர்பியாவின் நோவக் ஜோகோவிச், இரண்டாவது இடத்தையும், ஸ்விட்சர்லாந்தின் ஸ்டானிஸ்லஸ் வாவ்ரிங்கா மூன்றாவது இடத்தையும் பிடித்துள்ளனர்.

ஆஸ்திரேலிய ஓபனில் சாம்பியன் பட்டம் வென்ற ஸ்விட்சர்லாந்தின் ரோஜர் ஃபெடரர் 7 இடங்கள் முன்னேறி 10-ஆவது இடத்தைப் பிடித்துள்ளார். இறுதிச்சுற்று வரை முன்னேறிய ஸ்பெயினின் ரஃபேல் நடால் 3 இடங்கள் முன்னேறி 6-ஆவது இடத்தைப் பிடித்துள்ளார்.