எனது முன்னேற்றத்திற்கு அவர் கொடுத்த ஆலோசனைகள்தான் காரணம் - மனம் திறக்கும் தினேஷ் கார்த்திக்...

his advice to my progress is the reason - Dinesh Karthik

இந்திய கிரிக்கெட் பயிற்சியாளர் ரவி சாஸ்திரி கொடுத்த ஆலோசனைகள்தான் ஒருநாள் கிரிக்கெட் போட்டியில் எனது முன்னேற்றத்துக்கு உதவியது என்று இந்திய கிரிக்கெட் அணியின் பேட்ஸ்மேன் தினேஷ் கார்த்திக் தெரிவித்துள்ளார்.

நீண்ட நாள்களுக்குப் பிறகு நியூஸிலாந்திற்கு எதிரான ஒருநாள் தொடரில் களம் கண்ட தினேஷ் கார்த்திக், முதல் ஆட்டத்தில் 5-வது வீரராக ஆடி 37 ஓட்டங்கள் எடுத்தார்.

இரண்டாவது ஆட்டத்தில் 4-வது வீரராக களமிறங்கி ஆட்டமிழக்காமல் 64 ஓட்டங்கள் விளாசினார்.

இந்த நிலையில், தனது இந்த முன்னேற்றம் குறித்து அவர் நேற்று செய்தியாளர்களிடம் கூறியது:

"நியூஸிலாந்திற்கு எதிரான அந்தத் தொடரில் விளையாடியது எனது சிறப்பான ஆட்டமா? எனத் தெரியாது. ஆனால், தனிப்பட்ட முறையில் எனக்கும், அணிக்கும் அது முக்கியமான ஒன்றாக இருந்தது.

எனது பேட்டிங் குறித்து பயிற்சியாளர் ரவி சாஸ்திரியுடன் கலந்தாலோசித்தேன். நியூஸிலாந்துக்கு எதிரான எனது ஆட்டம் அவருக்கு திருப்தி அளித்திருந்தது. இருப்பினும், பேட்டிங்கில் நான் கவனம் செலுத்த வேண்டிய சில இடங்கள் குறித்து ஆலோசனை வழங்கினார். அவற்றில் கவனம் செலுத்தி ஆடி வருகிறேன்.

அதேபோல், எனது முன்னேற்றத்தில் அபிஷேக் நாயரும் குறிப்பிடத்தக்க ஒரு நபர். அவருடன் எப்போதும் தொடர்பில் இருக்கிறேன். நியூஸிலாந்துக்கு எதிரான தொடரின்போது கூட அவர் எனக்கு சில அறிவுரைகளை வழங்கினார்" என்று அவர் கூறினார்.