23-வது முறையாக மோதும் ஃபெடரர், வாவ்ரிங்கா; யாருக்கு வெற்றி?

Federer hits 23th time vavrinka Who won

இண்டியன்வெல்ஸ் மாஸ்டர்ஸ் டென்னிஸ் போட்டியில் ஆடவர் ஒற்றையர் பிரிவு இறுதிச்சுற்றில் ஸ்விட்சர்லாந்து வீரர்களான ரோஜர் ஃபெடரர் மற்றும் ஸ்டான் வாவ்ரிங்கா 23-வது முறையாக மோதுகின்றனர். வெற்றி யாருக்கு? என்ற எதிர்ப்பார்ப்போடு அனைவரும் காத்திருக்கின்றனர்.

இண்டியன்வெல்ஸ் மாஸ்டர்ஸ் டென்னிஸ் போட்டியின், முதல் அரையிறுதியில் உலகின் 3-ஆம் நிலை வீரரான ஸ்டான் வாவ்ரிங்கா ஸ்பெயினின் பாப்லோ கரீனோ பஸ்டாவை எதிர்கொண்டார்.

இருவருக்கும் இடையே விறுவிறுப்பாக நடைபெற்ற ஆட்டத்தின் முடிவில் வாவ்ரிங்கா 6-3, 6-2 என்ற நேர் செட் கணக்கில் வென்றார்.

மற்றொரு அரையிறுதியில் உலகின் 10-ஆம் நிலை வீரரான ஃபெடரர், அமெரிக்காவைச் சேர்ந்தவரும், போட்டித் தரவரிசையில் 17-ஆவது இடத்தில் இருப்பவருமான ஜேக் சாக்கை எதிர்கொண்டார்.

இந்த ஆட்டத்தில் 6-1, 7-6(4) என்ற செட் கணக்கில் ஃபெடரர் வெற்றி பெற்றார்.

இறுதிச் சுற்றில் மோதவுள்ள ஃபெடரரும், வாவ்ரிங்காவும் இதுவரை 22 முறை நேருக்கு நேர் சந்தித்துள்ளனர்.

இதில் ஃபெடரர் 19 வெற்றிகளையும், வாவ்ரிங்கா 3 வெற்றிகளையும் பதிவு செய்துள்ளனர் என்பது குறிப்பிடத்தக்கது.