ஆஸ்திரேலிய ஓபன் டென்னிஸ்: சைமோனா ஹேலப் - கரோலின் வோஸ்னியாக்கி மோதும் விறுவிறு ஆட்டம் நாளை...

Australian Open Tennis Simona Haleb - Caroline Wozniacki crashing intense match tomorrow ...

ஆஸ்திரேலிய ஓபன் டென்னிஸ் போட்டியில் மகளிர் ஒற்றையர் பிரிவின் இறுதிச்சுற்றில் ருமேனியாவின் சைமோனா ஹேலப் - டென்மார்க்கின் கரோலின் வோஸ்னியாக்கி ஆகியோர் நாளை மோதுகின்றனர்.

ஆஸ்திரேலிய ஓபன் டென்னிஸ் போட்டி மெல்போர்ன் நகரில் நடைபெறுகிறது. இந்தப் போட்டியில் நேற்று மகளிர் ஒற்றையர் பிரிவு அரையிறுதி ஆட்டம் ஒன்றில் உலகின் முதல் நிலை வீராங்கனையான சைமோனாவும், போட்டித் தரவரிசையில் 21-வது இடத்தில் இருந்த ஜெர்மனியின் ஏஞ்ஜெலிக் கெர்பரும் மோதினர். இதில் சைமோனா 6-3, 4-6, 9-7 என்ற செட்களில் வெற்றி பெற்றார்.

மற்றொரு அரையிறுதி ஆட்டத்தில் உலகின் 2-ஆம் நிலை வீராங்கனையான கரோலின் வோஸ்னியாக்கியும், பெல்ஜியத்தின் எலிஸ் மெர்டன்ஸும் மோதினர். இதில், வோஸ்னியாக்கி 6-3, 7-6(7-2) என்ற செட் கணக்கில் எலிஸ் மெர்டன்ஸை வீழ்த்தினார்.

ஆஸ்திரேலிய ஓபனில் வோஸ்னியாக்கி இறுதிச்சுற்றுக்கு முன்னேறுவது இது முதல் முறையாகும். அதேவேளையில், 2014-ஆம் ஆண்டுக்குப் பிறகு கிராண்ட்ஸ்லாம் போட்டிகளில் அவர் முதல் முறையாக இறுதிச்சுற்றுக்கு முன்னேறியுள்ளார் என்பது குறிப்பிடத்தக்கது.

அரையிறுதியில் வெற்றிப்பெற்ற இருவரும் மகளிர் ஒற்றையர் பிரிவின் இறுதிச்சுற்றில் நாளை மோதுகின்றனர்.