ஏடிபி ஃபைனல்ஸ் டென்னிஸ்: இறுதிச்சுற்றில் டேவிட் கோஃபின் - கிரிகோர் டிமிட்ரோவ் மோதல்...

ATP finals tennis David Coffin at the funeral - Gregor Dmitrov collision ...

ஏடிபி ஃபைனல்ஸ் டென்னிஸ் போட்டியில் ஆடவர் ஒற்றையர் இறுதிச்சுற்றில் பெல்ஜியத்தின் டேவிட் கோஃபின் - பல்கேரியாவின் கிரிகோர் டிமிட்ரோவ் ஆகியோர் மோதவுள்ளனர்.

ஏடிபி ஃபைனல்ஸ் டென்னிஸ் போட்டி இலண்டனில் நடைபெற்று வருகிறது. இந்தப் போட்டியில் முன்னதாக நடைபெற்ற 2-வது அரையிறுதியில் அமெரிக்காவின் ஜேக் சாக்கை எதிர்கொண்டார் பல்கேரியாவின் கிரிகோர் டிமிட்ரோவ்.

இந்த ஆட்டத்தில் கிரிகோர் டிமிட்ரோவ் 4-6, 6-0, 6-3 என்ற செட் கணக்கில் ஜேக் சாக்கை வெற்றிக் கொண்டார்.

வெற்றிக்குப் பிறகு டிமிட்ரோவ் பேசியது:

"மிகுந்த ஒருங்கிணைப்பாக ஆடினேன். எந்தவொரு எதிர்மறையான சிந்தனைகளும் எனக்குள் எழாமல் பார்த்துக் கொண்டேன். இது, இந்த சீசனின் கடைசி போட்டியின் இறுதிச்சுற்று என்பதால் கூடுதல் பரபரப்புடன் இருக்கிறது' என்றார்.

டிமிட்ரோவுடன் இறுதிச்சுற்றில் மோதும் பெல்ஜியத்தின் டேவிட் கோஃபின் , தனது அரையிறுதியில் ஃபெடரரை வீழ்த்தியிருந்தார்.