ஆசிய தடகள சாம்பியன்ஷிப் 2025: 8 தங்கம் உள்பட 18 பதக்கங்களுடன் இந்தியா 2ஆவது இடம்!

Asian Athletics Championships 2025 : தென் கொரியாவின் குமி பகுதியில் நடைபெற்று வரும் 26வது ஆசிய தடகள சாம்பியன்ஷிப் 2025 தொடரில் இந்தியா இதுவரையில் 8 தங்கம், 7 வெள்ளி மற்றும் 3 வெண்கலப் பதக்கங்களுடன் புள்ளிப்பட்டியலில் 2ஆவது இடம் பிடித்துள்ளது.

ஆசிய தடகள சாம்பியன்ஷிப் 2025: தென் கொரியாவின் கமி நகரில் வெள்ளிக்கிழமை நடைபெற்ற ஆசிய தடகள சாம்பியன்ஷிப்பின் இறுதி நாளில் இந்திய வீரர்கள் மூன்று தங்கம் மற்றும் ஒரு வெள்ளிப் பதக்கத்தை வென்றனர். இதன் மூலம் இந்தியா மொத்தம் 18 பதக்கங்களை வென்றுள்ளது. இதில் 8 தங்கம், 7 வெள்ளி மற்றும் 3 வெண்கலப் பதக்கங்கள் அடங்கும்.

பதக்கம் வென்ற வீரர்கள் யார்?

குல்பீர் சிங் 13:24.77 வினாடிகளில் 5000 மீட்டர் ஓட்டப்பந்தயத்தில் தங்கப் பதக்கம் வென்றார். பூஜா 1.89 மீட்டர் உயரம் தாண்டி பெண்கள் உயரம் தாண்டுதலில் தங்கம் வென்றார். நந்தினி அகர்வால் 5941 புள்ளிகளுடன் ஹெப்டத்லானில் தங்கப் பதக்கம் வென்றார். பாரூல் சவுத்ரி இரண்டு வாரங்களில் இரண்டாவது முறையாக பெண்கள் 3000 மீட்டர் ஸ்டீபிள்சேஸில் 9:13.39 வினாடிகளில் புதிய தேசிய சாதனை படைத்தார்.

அவினாஷ் சேபிள் ஆண்கள் 3000 மீட்டர் ஸ்டீபிள்சேஸில் அசத்தலான ஆட்டத்தை வெளிப்படுத்தி இந்தியாவுக்கு முதல் தங்கப் பதக்கத்தைப் பெற்றுத் தந்தார்.

இந்தியாவின் வெற்றி

ஜோதி யர்ராஜி பெண்கள் 100 மீட்டர் தடை ஓட்டத்தில் தங்கப் பதக்கம் வென்றார். ஓட்டத்தின் மத்தியில் ஐந்தாவது இடத்தில் இருந்த அவர், கடைசி நேரத்தில் அபாரமாக முன்னேறி தங்கம் வென்றார். சுபா வெங்கடேசன் பெண்கள் 4x400 மீட்டர் தொடர் ஓட்டத்தில் கடைசி சுற்றில் அசத்தலான வேகத்தைக் காட்டி இந்தியாவுக்கு தங்கப் பதக்கத்தைப் பெற்றுத் தந்தார்.

ஆண்கள் 4x400 மீட்டர் தொடர் ஓட்ட அணி வெள்ளிப் பதக்கம் வென்றது. பெண்கள் நீளம் தாண்டுதலில் அன்சி சோஜன் வெள்ளி மற்றும் ஷைலி சிங் வெண்கலப் பதக்கம் வென்றனர்.