ஆசிய கோப்பை: மலேசியாவை தோற்கடித்து அபார வெற்றி பெற்றது இந்தியா…

Asia Cup Malaysia defeated India to victory

ஆசிய கோப்பை வலைகோல் பந்தாட்டப் போட்டியில் இந்திய அணி 6-2 என்ற கோல் கணக்கில் மலேசிய அணியை தோற்கடித்து அபார வெற்றி கண்டது.

ஆசிய கோப்பை வலைகோல் பந்தாட்டப் போட்டியின் தொடக்கம் முதலே ஆதிக்கம் செலுத்தியது.

இந்த ஆட்டத்தில் 14-வது நிமிடத்தில் இந்தியா தனது கோல் கணக்கை தொடங்கியது. அணியின் ஆகாஷ்தீப் அருமையாக ஒரு ஃபீல்டு கோல் அடித்தார்.

பின்னர், ஆட்டத்தின் 19-வது நிமிடத்தில் இந்தியாவுக்கு கிடைத்த பெனால்டி வாய்ப்பை பயன்படுத்தி ஹர்மன்பிரீத் சிங் கோல் அடித்தார்.

அடுத்து 24-வது நிமிடத்தில் இந்திய வீரர் உத்தப்பா ஒரு கோல் அடிக்க, முதல் பாதி ஆட்டநேர முடிவில் இந்தியா 3-0 என முன்னிலை பெற்றது.

பின்னர் நடைபெற்ற 2-வது பாதி ஆட்டத்தில் 33 மற்றும் 40-வது நிமிடத்தில் இந்தியா சார்பில் முறையே குர்ஜந்த் சிங் மற்றும் எஸ்.வி.சுனில் தலா ஒரு கோல் அடித்தனர்.

இந்தியா 5-0 என முன்னிலை பெற்றிருந்தபோது ஆட்டத்தின் 50-வது நிமிடத்தில் மலேசிய அணிக்கு மீண்டும் கிடைத்த ஒரு பெனால்டி வாய்ப்பை அணியின் ராஸி ரஹிம் கோலாக மாற்றினார்.

தொடர்ந்து 59-வது நிமிடத்தில் அந்த அணியின் ரமதான் ரோஸ்லி ஒரு கோல் அடிக்க, மலேசிய அணி 2-5 என முன்னேறியது.

எனினும், ஆட்டத்தின் கடைசி நிமிடத்தில் 60-வது நிமிடத்தில் இந்திய வீரர் சர்தார் சிங் ஒரு கோல் அடிக்க, இந்தியா 6-2 என்ற கோல் கணக்கில் வெற்றி பெற்றது.

இதையடுத்து 3-வது இடத்துக்கான போட்டியில் நாளை நடைபெறும் ஆட்டத்தில் இந்தியா - பாகிஸ்தான் அணிகள் மோதுகின்றன.