அமெரிக்க ஓபன்: மகளிர், ஆடவர் போட்டிகளில் அடுத்த சுற்றுக்கு முன்னேறிய வீரர்கள்…

 
Published : Aug 31, 2017, 09:46 AM ISTUpdated : Sep 19, 2018, 01:07 AM IST
அமெரிக்க ஓபன்: மகளிர், ஆடவர் போட்டிகளில் அடுத்த சுற்றுக்கு முன்னேறிய வீரர்கள்…

சுருக்கம்

American Open Women and Men players advanced to next round

அமெரிக்க ஓபன் டென்னிஸ் போட்டியின் முதல் சுற்றில் கரோலின் பிளிஸ்கோவா, மேடிசன் கீஸ், ரோஜர் ஃபெடரர் மற்றும் ரஃபேல் நடால் ஆகியோர் வெற்றி பெற்று அடுத்த சுற்றுக்கு முன்னேறினர்.

அமெரிக்க ஓபன் டென்னிஸ் போட்டி அமெரிக்காவின் நியூயார்க் நகரில் நடைபெற்று வருகிறது.

இந்தப் போட்டியில் மகளிர் ஒற்றையர் முதல் சுற்றில் போட்டித் தரவரிசையில் முதலிடத்தில் இருக்கும் செக்.குடியரசின் கரோலின் பிளிஸ்கோவா, போலந்தின் மக்டா லினெட்டேவுடன் மோதி 6-2, 6-1 என்ற நேர் செட்களில் வெற்றி பெற்றார்.

அதேபோன்று அமெரிக்காவின் மேடிசன் கீஸ் 6-3, 7-6 (6) என்ற நேர் செட்களில் பெல்ஜியத்தின் எல்லிஸ் மெர்டென்ஸை வீழ்த்தி 2-வது சுற்றுக்கு முன்னேறினர். 

ஆனால், நடப்பு சாம்பியனான ஜெர்மனியின் ஏஞ்ஜெலிக் கெர்பர் 3-6, 1-6 என்ற நேர் செட்களில் ஜப்பானின் இளம் வீராங்கனையான நயோமி ஒசாக்காவிடம் அதிர்ச்சித் தோல்வி அடைந்தார்.

19 வயதான ஒசாக்கா தரவரிசையில் முதல் 10 இடங்களில் இருக்கும் ஒரு வீராங்கனைக்கு எதிராக முதல் வெற்றியைப் பெற்றுள்ளார்.

ஆடவர் ஒற்றையர் முதல் சுற்றில் ஸ்விட்சர்லாந்தின் ரோஜர் ஃபெடரர் மற்றும் அமெரிக்காவின் 19 வயது வீரரான பிரான்செஸ் டியாஃபோவுடன் மோதி 4-6, 6-2, 6-1, 1-6, 6-4 என்ற செட் கணக்கில் வெற்றி பெற்றார்.

மற்றொரு ஆட்டத்தில் ஸ்பெயினின் ரஃபேல் நடால் 7-6 (6), 6-2, 6-2 என்ற நேர் செட்களில் செர்பியாவின் துஸான் லஜோவிச்சை வீழ்த்தி வெற்றிப் பெற்றார்.

 

PREV

கிரிக்கெட் மற்றும் விளையாட்டு உலகின் (Sports News in Tamil) நிமிட நிமிட தமிழ் செய்தி அப்டேட்களுக்காக ஏஷ்யாநெட் தமிழ்-ஐ பின்பற்றுங்கள். IPL லைவ் உட்பட டீம் இந்தியாவின் பிரேக்கிங் நியூஸ் (Cricket News in Tamil), சிறப்பு ரிப்போர்ட்கள் மற்றும் நேரலைகளுடன் முழுமையான தகவல்கள் உங்களுக்கு ஒரே கிளிக்கில் கிடைக்கும். ஏஷ்யாநெட் தமிழ் அதிகாரப்பூர்வ ஆப்பைப் டவுன்லோடு செய்து அனைத்து அப்டேட்களையும் பெறுங்கள்.

click me!

Recommended Stories

ரோகித், விராட் கோலி ரசிகர்களே ரெடியா? அடுத்த மேட்ச் எப்போது? லைவ் உண்டா?
டி20 உலகக் கோப்பைக்கான இந்திய அணி பிளேயிங் லெவன்.. சஞ்சு சாஞ்சன் இடத்துக்கு சிக்கல்.. இதுதான் காரணம்!