அசத்தலாக ஆடி வெற்றியை குவித்தது சென்னை எஃப்.சி, சென்னை யுனைடெட்…

After the stunning success of the Audi FC Chennai United

சென்னை லீக் சீனியர் டிவிஷன் கால்பந்து போட்டியில் சென்னை எஃப்.சி., சென்னை யுனைடெட் அணிகள் அசத்தலாக ஆடி வெற்றி பெற்றன.

செயின்ட் ஜோசப் குழுமம் - சென்னை கால்பந்து சங்கம் சார்பில் சென்னை லீக் கால்பந்து போட்டிகள் சென்னை ஜவாஹர்லால் நேரு மைதானத்தில் நடைபெற்று வருகிறது.

இதில் நேற்று நடைபெற்ற சீனியர் டிவிஷன் லீக் முதல் ஆட்டத்தில் சென்னை எஃப்.சி அணி 2-1 என்ற கோல் கணக்கில் தெற்கு ரயில்வே அணியைத் தோற்கடித்தது.

இந்த ஆட்டத்தின் 3-ஆவது நிமிடத்தில் ரயில்வே வீரர் ரிஜு கோலடிக்க, அந்த அணி 1-0 என முன்னிலை பெற்றது.

ஆனால் பின்னர் அபாரமாக ஆடிய சென்னை எஃப்.சி அணியில் 34-ஆவது நிமிடத்தில் காமேஷ்வரனும், 56-ஆவது நிமிடத்தில் அங்குசனாவும் கோலடிக்க, அந்த அணி 2-1 என்ற கோல் கணக்கில் தெற்கு ரயில்வே அணியைத் தோற்கடித்தது.

காமேஷ்வரன் ஆட்டநாயகனாகத் தேர்வு செய்யப்பட்டார்.

மற்றொரு ஆட்டத்தில் சென்னை யுனைடெட் அணி 3-1 என்ற கோல் கணக்கில் மெட்ராஸ் ஸ்போர்ட்டிங் யூனியன் அணியைத் தோற்கடித்தது.

சென்னை யுனைடெட் தரப்பில் கவியரசன், அமோஸ், அஜித் குமார் ஆகியோர் தலா ஒரு கோலடித்தனர். மெட்ராஸ் ஸ்போர்ட்டிங் யூனியன் தரப்பில் விட்டாலிஸ் கோலடித்தார்.

அஜித்குமார் ஆட்டநாயகனாகத் தேர்வு செய்யப்பட்டார்.