SL vs AUS: 5வது ஒருநாள் போட்டி டாஸ் ரிப்போர்ட்..! இலங்கை அணியில் 2 மாற்றங்கள்.. ஆஸி., அணியில் ஒரு மாற்றம்

ஆஸ்திரேலியாவிற்கு எதிரான கடைசி ஒருநாள் போட்டியில் டாஸ் வென்ற இலங்கை அணி பேட்டிங்கை தேர்வு செய்துள்ளது.  

இலங்கை - ஆஸ்திரேலியா இடையேயான 5 ஒருநாள் போட்டிகள் கொண்ட தொடரில் 4 போட்டிகளின் முடிவில் 3-1 என இலங்கை அணி ஒருநாள் தொடரை வென்றுவிட்ட நிலையில், கடைசி ஒருநாள் போட்டி இன்று நடக்கிறது.

இந்த போட்டியிலும் வெற்றி பெற்று 4-1 என ஆஸ்திரேலியாவை வீழ்த்தும் முனைப்பில் இலங்கை அணி களமிறங்கியுள்ளது. ஆனால் இந்த போட்டியில் ஜெயித்து 3-2 என மரியாதையாக தொடரை இழக்கவேண்டும் என்ற முனைப்பில் வெற்றி வேட்கையுடன் களமிறங்குகிறது ஆஸ்திரேலிய அணி.

கொழும்பில் நடக்கும் இந்த போட்டியில் டாஸ் வென்ற இலங்கை அணி பேட்டிங்கை தேர்வு செய்துள்ளது. இந்த போட்டிக்கான இலங்கை அணியில் 2 மாற்றங்கள் செய்யப்பட்டுள்ளன. குணதிலகா அணிக்கு திரும்பியதால் டிக்வெல்லா நீக்கப்பட்டுள்ளார். ஹசரங்காவிற்கு பதிலாக பிரமோத் மதுஷன் சேர்க்கப்பட்டுள்ளார்.

இலங்கை அணி:

தனுஷ்கா குணதிலகா, பதும் நிசாங்கா, குசால் மெண்டிஸ் (விக்கெட் கீப்பர்), சாரித் அசலங்கா, தினேஷ் சண்டிமால், தசுன் ஷனாகா (கேப்டன்), துனித் வெல்லாலகே, சாமிகா கருணரத்னே, ஜெஃப்ரி வாண்டர்சே, பிரமோத் மதுஷன், மஹீஷ் தீக்‌ஷனா. 

இதையும் படிங்க - பயிற்சியாளர் பதவிக்கு தகுதியே இல்லாத ரவி சாஸ்திரியால் தான் கோலி ஃபார்மை இழந்தார்.! ரஷீத் லத்தீஃப் கடும் தாக்கு

ஆஸ்திரேலிய அணியில் காயம் காரணமாக டிராவிஸ் ஹெட் ஆடாததால் ஜோஷ் இங்லிஸ் அணியில் சேர்க்கப்பட்டுள்ளார். 

ஆஸ்திரேலிய அணி:

டேவிட் வார்னர், ஆரோன் ஃபின்ச் (கேப்டன்), மிட்செல் மார்ஷ், ஜோஷ் இங்லிஸ், மார்னஸ் லபுஷேன், க்ளென் மேக்ஸ்வெல், அலெக்ஸ் கேரி (விக்கெட் கீப்பர்), கேமரூன் க்ரீன், பாட் கம்மின்ஸ், மேத்யூ குனெமேன், ஜோஷ் ஹேசில்வுட்.