RR vs KKR: வெற்றி வேட்கையில் மோதும் ராஜஸ்தான் ராயல்ஸ் - கேகேஆர் அணிகளின் உத்தேச ஆடும் லெவன்

ராஜஸ்தான் ராயல்ஸ் மற்றும் கேகேஆர் அணிகளுக்கு இடையே இன்று நடக்கும் போட்டியில் களமிறங்கும் இரு அணிகளின் உத்தேச ஆடும் லெவனை பார்ப்போம்.  

ஐபிஎல் 15வது சீசன் விறுவிறுப்பாக நடந்துவரும் நிலையில், இன்று மும்பை ப்ரபோர்ன் மைதானத்தில் நடக்கும் போட்டியில் ராஜஸ்தான் ராயல்ஸும் கேகேஆரும் மோதுகின்றன.

ராஜஸ்தான் ராயல்ஸ் அணி இதுவரை 5 போட்டிகளில் ஆடி 3 வெற்றிகளை பெற்றுள்ள நிலையில், 4வது வெற்றியை பெறும் முனைப்பில் களமிறங்குகிறது. கேகேஆர் அணி 6 போட்டிகளில் ஆடி 3 வெற்றிகளை பெற்றுள்ளது. எனவே கேகேஆர் அணியும் 4வது வெற்றிக்காக ஆடுகிறது.

இன்று மும்பை ப்ரபோர்ன் மைதானத்தில் நடக்கும் இந்த போட்டியில் களமிறங்கும் ராஜஸ்தான்  - கேகேஆர் ஆகிய 2 அணிகளின் ஆடும் லெவன் காம்பினேஷனிலும் எந்த மாற்றமும் செய்யப்படமாட்டாது. இரு அணிகளுமே கடந்த போட்டியில் ஆடிய அதே ஆடும் லெவன் காம்பினேஷனுடன் தான் களமிறங்கும். ஏனெனில் இரு அணிகளின் காம்பினேஷனும் வலுவாகவே உள்ளது.

உத்தேச ராஜஸ்தான் ராயல்ஸ் அணி:

ஜோஸ் பட்லர், தேவ்தத் படிக்கல், சஞ்சு சாம்சன் (கேப்டன், விக்கெட் கீப்பர்), ராசி வாண்டெர் டசன், ஷிம்ரான் ஹெட்மயர், ரவிச்சந்திரன் அஷ்வின், ரியான் பராக், டிரெண்ட் போல்ட், குல்தீப் சென், பிரசித் கிருஷ்ணா, யுஸ்வேந்திர சாஹல்.

உத்தேச  கேகேஆர் அணி:

ஆரோன் ஃபின்ச், வெங்கடேஷ் ஐயர், ஷ்ரேயாஸ் ஐயர் (கேப்டன்), ஆண்ட்ரே ரசல், ஷெல்டான் கோட்ரெல் (விக்கெட் கீப்பர்), பாட் கம்மின்ஸ், சுனில் நரைன், உமேஷ் யாதவ், அமான் கான், வருண் சக்கரவர்த்தி.