Deepak Chahar Practice Video: தம்பி கிரிக்கெட்டில் சாதிக்க, தீபக் சாகருக்கு பயிற்சி கொடுத்த மால்தி சாகர்!

சென்னை சூப்பர் கிங்ஸ் அணியில் இடம் பெற்றுள்ள தீபக் சாகருக்கு, அவரது சகோதரி மால்தி சாகர் பயிற்சி கொடுக்கும் வீடியோ வைரலாகி வருகிறது.

இந்தியாவில் இன்னும் 2 வாரங்களில் 17ஆவது சீசனுக்கான ஐபிஎல் தொடர் நடைபெற இருக்கிறது. இதற்காக ஒவ்வொரு அணி வீரர்களும் தீவிரமாக தயாராகி வருகின்றனர். சென்னை சூப்பர் கிங்ஸ் அணியின் கேப்டன் எம்.எஸ்.தோனி சென்னை சேப்பாக்கம் மைதானத்தில் தனது பயிற்சியை தொடங்கியுள்ளார். இது தொடர்பான வீடியோ சமூக வலைதளங்களில் வைரலானது.

சிஎஸ்கே அணியில் உள்ள வீரர்கள் ஒரு குடும்பமாக இருக்கின்றனர். இதுதான் சென்னையின் வெற்றிக்கான காரணமாக பாராட்டப்படுகிறது. இந்த நிலையில் தான் காயம், அதன் பிறகு தந்தையின் உடல்நிலை என்று இந்திய அணியில் இடம் பெறாமல் இருந்த தீபக் சாகர் தற்போது தனது பயிற்சியை தொடங்கியுள்ளார்.

இதற்காக சாகரின் சகோதரி மால்தி சாகர் தீவிரமாக பயிற்சி அளித்து வருகிறார். பயிற்சி முகாமில் தீபக் சாகருக்கு கிட்டத்தட்ட 160 கிலோ மீட்டர் வேகத்தில் மெஷின் மூலமாக பந்து வீசும் பணியை மால்தி சாகர் மேற்கொண்டுள்ளார். இதில் பேட்டிங் செய்து ரன் அடிக்கும் முயற்சியில் தீபக் சாகர் ஈடுபட்டுள்ளார். இது குறித்து மால்தி சாகர் கூறியிருப்பதாவது: இது எங்களது குடும்பத்தின் பயிற்சி. ஐபிஎல் தொடருக்காக தம்பியை தயார் செய்து வருகிறார் என்று கூறியுள்ளார்.