ஐபிஎல் 16வது சீசனில் களமிறங்கும் லக்னோ சூப்பர் ஜெயிண்ட்ஸ் அணியின் வலுவான ஆடும் லெவன் காம்பினேஷனை பார்ப்போம்.
ஐபிஎல் 15வது சீசனில் புதிதாக களமிறங்கிய கேஎல் ராகுல் தலைமையிலான லக்னோ சூப்பர் ஜெயிண்ட்ஸ் அணி, பயிற்சியாளர் கௌதம் கம்பீரின் வழிகாட்டுதலில் அபாரமாக விளையாடி பிளே ஆஃபிற்கு முன்னேறியது.
லக்னோ சூப்பர் ஜெயிண்ட்ஸ் அணியின் கோர் டீம் வலுவாக இருக்கும் நிலையில், ஏலத்தில் அதிகபட்சமாக ரூ.16 கோடி கொடுத்து வெஸ்ட் இண்டீஸ் அதிரடி வீரர் நிகோலஸ் பூரனை எடுத்தது. மேலும், ஆல்ரவுண்டர் டேனியல் சாம்ஸ், ரிஸ்ட் ஸ்பின்னர் அமித் மிஷ்ரா, வெஸ்ட் இண்டீஸ் ஆல்ரவுண்டர் ரொமாரியோ ஷெஃபெர்டு, ஆஃப்கான் பவுலர் நவீன் உல் ஹக், ஜெய்தேவ் உனாத்கத் ஆகிய வீரர்களையும் இன்னபிற உள்நாட்டு சிறிய வீரர்களையும் எடுத்து வலுவான அணியை கட்டமைத்துள்ளது லக்னோ சூப்பர் அணி.
வரும் 31ம் தேதி ஐபிஎல் 16வது சீசன் தொடங்கும் நிலையில், இந்த சீசனில் கேஎல் ராகுல் தலைமையில் களமிறங்கும் லக்னோ சூப்பர் ஜெயிண்ட்ஸ் அணியின் வலுவான ஆடும் லெவன் காம்பினேஷனை பார்ப்போம்.
தொடக்க வீரர்கள் டி காக் - கேஎல் ராகுல். 3ம் வரிசையில் தீபக் ஹூடாவும், 4ம் வரிசையில் நிகோலஸ் பூரனும் ஆடுவார்கள். 5ம் வரிசையில் கடந்த சீசனில் அசத்திய இளம் வீரர் ஆயுஷ் பதோனி ஆடுவார்கள். மார்கஸ் ஸ்டோய்னிஸ் 6ம் வரிசையில் ஃபினிஷர் ரோல் செய்வார்.
ஸ்பின்னர்களாக க்ருணல் பாண்டியா மற்றும் ரவி பிஷ்னோய் ஆகிய இருவரும், ஃபாஸ்ட் பவுலர்களாக மார்க் உட், மோசின் கான், ஆவேஷ் கான் ஆகிய மூவரும் ஆடுவார்கள். மார்கஸ் ஸ்டோய்னிஸ் மற்றும் தீபக் ஹூடாவும் பந்துவீசுவார்கள் என்பதால் 7 பவுலிங் ஆப்சன் உள்ளது.
IPL 2023: புதிய கேப்டனின் கீழ் களமிறங்கும் சன்ரைசர்ஸ் ஹைதராபாத் அணியின் வலுவான ஆடும் லெவன்
லக்னோ சூப்பர் ஜெயிண்ட்ஸ் அணியின் வலுவான ஆடும் லெவன் காம்பினேஷன்:
குயிண்டன் டி காக் (விக்கெட் கீப்பர்), கேஎல் ராகுல் (கேப்டன்), தீபக் ஹூடா, நிகோலஸ் பூரன், ஆயுஷ் பதோனி, மார்கஸ் ஸ்டோய்னிஸ், க்ருணல் பாண்டியா, மார்க் உட், ரவி பிஷ்னோய், ஆவேஷ் கான், மோசின் கான்.