LSG vs DC: 2 மேட்ச் வின்னர்களின் வருகையால் டெல்லி கேபிடள்ஸ் செம குஷி..! இரு அணிகளின் உத்தேச ஆடும் லெவன்

லக்னோ சூப்பர் ஜெயிண்ட்ஸ் மற்றும் டெல்லி கேபிடள்ஸ் அணிகள் மோதும் இன்றைய போட்டியில் களமிறங்கும் இரு அணிகளின் உத்தேச ஆடும் லெவனை பார்ப்போம்.  

ஐபிஎல் 15வது சீசன் விறுவிறுப்பாக நடந்துவரும் நிலையில், இன்றைய போட்டியில் லக்னோ சூப்பர் ஜெயிண்ட்ஸும் டெல்லி கேபிடள்ஸும் மோதுகின்றன. கேஎல் ராகுல் தலைமையிலான லக்னோ சூப்பர் ஜெயிண்ட்ஸ் அணி அபாரமாக ஆடி வெற்றிகளை பெற்றுவருகிறது. இதுவரை ஆடிய 3 போட்டிகளில் ஒன்றில் தோல்வியும், 2ல் வெற்றியும் பெற்றுள்ளது.

டெல்லி கேபிடள்ஸ் அணி ஆடிய 2 போட்டிகளில் தலா ஒரு வெற்றி, ஒரு தோல்வி அடைந்துள்ளது. இரு அணிகளுமே வலுவான அணிகளாக இருப்பதால் போட்டி கடுமையாக இருக்கும். மும்பை டி.ஒய்.பாட்டீல் மைதானத்தில் நடக்கும் இன்றைய போட்டியில் களமிறங்கும் இரு அணிகளின் உத்தேச ஆடும் லெவனை பார்ப்போம்.

டெல்லி கேபிடள்ஸ் அணியில் முதல் 2 போட்டிகளில் ஆடாத, சிறந்த வீரர்களும் மேட்ச் வின்னர்களுமான அதிரடி தொடக்க வீரர் டேவிட் வார்னர், மிரட்டல் ஃபாஸ்ட் பவுலர் அன்ரிக் நோர்க்யா ஆகிய இருவரும் இன்றைய போட்டியில் ஆடுகிறார்கள். அதனால், டிம் சேஃபெர்ட் மற்றும் கலீல் அகமது ஆகிய இருவரும் நீக்கப்படுவார்கள்.

உத்தேச டெல்லி கேபிடள்ஸ் அணி:

பிரித்வி ஷா, டேவிட் வார்னர், மந்தீப் சிங், ரிஷப் பண்ட் (கேப்டன், விக்கெட் கீப்பர்), லலித் யாதவ், ரோவ்மன் பவல், ஷர்துல் தாகூர், அக்ஸர் படேல், குல்தீப் யாதவ், அன்ரிக் நோர்க்யா, முஸ்தாஃபிசுர் ரஹ்மான்.

லக்னோ சூப்பர் ஜெயிண்ட்ஸ் அணியில் ஒரேயொரு மாற்றம் செய்யப்பட வாய்ப்புள்ளது. ஆண்ட்ரூ டைக்கு பதிலாக துஷ்மந்தா சமீரா சேர்க்கப்படலாம். ஆனால் உறுதியாக இந்த மாற்றம் செய்யப்படும் என்று கூறமுடியாது.

உத்தேச லக்னோ சூப்பர் ஜெயிண்ட்ஸ் அணி:

கேஎல் ராகுல் (கேப்டன்), குயிண்டன் டி காக் (விக்கெட் கீப்பர்), மனீஷ் பாண்டே, எவின் லீவிஸ், தீபக் ஹூடா, ஆயுஷ் பதோனி க்ருணல் பாண்டியா, ஜேசன் ஹோல்டர், ஆண்ட்ரூ டை/துஷ்மந்தா சமீரா, ரவி பிஷ்னோய், ஆவேஷ் கான்.