WI அணியை வொயிட் வாஷ் செய்தும் WTC பட்டியலில் ஒரு இடம் கூட முன்னேறாத இந்தியா
சுருக்கம்
வெஸ்ட் இண்டீஸ் அணிக்கு எதிரான இரண்டு டெஸ்ட் போட்டிகளிலும் வெற்றி பெற்று தொரைக் கைப்பற்றிய போதிலும் இந்திய அணி WTC புள்ளிகள் பட்டியலில் ஒரு இடம் கூட முன்னேறாததால் ரசிகர்கள் விரக்தி .
வெஸ்ட் இண்டீஸுக்கு எதிரான டெஸ்ட் தொடரை முழுமையாக வென்ற போதிலும், உலக டெஸ்ட் சாம்பியன்ஷிப் புள்ளிப்பட்டியலில் இந்தியாவால் முன்னேற முடியவில்லை. உலக டெஸ்ட் சாம்பியன்ஷிப்பில் ஏழு டெஸ்ட்களில் நான்காவது வெற்றியை இந்தியா இன்று வெஸ்ட் இண்டீஸுக்கு எதிராகப் பெற்றது. ஏழு போட்டிகளில் நான்கு வெற்றி, இரண்டு தோல்வி, ஒரு டிராவுடன் 52 புள்ளிகள் மற்றும் 61.90% புள்ளிகளுடன் இந்தியா புள்ளிப்பட்டியலில் மூன்றாவது இடத்தில் நீடிக்கிறது.
இரண்டே டெஸ்ட்களில் ஒரு வெற்றி, ஒரு டிராவுடன் 16 புள்ளிகள் மற்றும் 66.67% புள்ளிகளுடன் இலங்கை இந்தியாவிற்கு முன்னிலையில் இரண்டாவது இடத்தில் உள்ளது. முன்னதாக, வெஸ்ட் இண்டீஸுக்கு எதிரான டெஸ்ட் தொடரில் மூன்று டெஸ்ட்களையும் வென்று 36 புள்ளிகள் மற்றும் 100% புள்ளிகளுடன் ஆஸ்திரேலியா புள்ளிப்பட்டியலில் முதலிடத்தில் உள்ளது. 2025-27 உலக டெஸ்ட் சாம்பியன்ஷிப் சுழற்சியில் இதுவரை அதிக டெஸ்ட் போட்டிகளில் விளையாடிய அணி இந்தியாதான். இந்தியா இதுவரை ஏழு டெஸ்ட் போட்டிகளில் விளையாடியுள்ளது.
இங்கிலாந்து ஐந்தாவது இடத்தில்
ஐந்து டெஸ்ட்களில் இரண்டு வெற்றி, இரண்டு தோல்வி, ஒரு டிராவுடன் 26 புள்ளிகள் மற்றும் 43.33% புள்ளிகளுடன் இங்கிலாந்து புள்ளிப்பட்டியலில் இந்தியாவிற்குப் பின்னால் நான்காவது இடத்தில் உள்ளது. இரண்டு டெஸ்ட்களில் ஒரு தோல்வி, ஒரு டிராவுடன் நான்கு புள்ளிகள் மற்றும் 16.67% புள்ளிகளுடன் வங்கதேசம் ஐந்தாவது இடத்தில் உள்ளது. விளையாடிய ஐந்து டெஸ்ட்களிலும் தோற்ற வெஸ்ட் இண்டீஸ் ஆறாவது இடத்தில் உள்ளது. பாகிஸ்தான் மற்றும் தென்னாப்பிரிக்கா இடையே நடைபெறும் முதல் டெஸ்ட் போட்டியின் முடிவு வரும்போது உலக டெஸ்ட் சாம்பியன்ஷிப் புள்ளிப்பட்டியலில் மீண்டும் மாற்றம் ஏற்படும். நியூசிலாந்து இதுவரை உலக டெஸ்ட் சாம்பியன்ஷிப்பில் ஒரு போட்டியில் கூட விளையாடவில்லை.