GT vs CSK: டாஸ் ரிப்போர்ட்.. குஜராத் டைட்டன்ஸ் அணியில் ஹர்திக் பாண்டியா ஆடல.. ரஷீத் கான் கேப்டன்

சிஎஸ்கேவுக்கு எதிரான போட்டியில் டாஸ் வென்ற குஜராத் டைட்டன்ஸ் அணி ஃபீல்டிங்கை தேர்வு செய்துள்ளது.  

ஐபிஎல் 15வது சீசனின் இன்றைய போட்டியில் குஜராத் டைட்டன்ஸும் சிஎஸ்கேவும் மோதுகின்றன. ஹர்திக் பாண்டியா தலைமையில் புதிதாக களமிறங்கியுள்ள குஜராத் டைட்டன்ஸ் அணி, 5 போட்டிகளில் 4 வெற்றிகளுடன் புள்ளி பட்டியலில் முதலிடத்தில் உள்ளது. ஆனால் கேப்டனை மாற்றிய 4 முறை சாம்பியனும் நடப்பு சாம்பியனுமான சிஎஸ்கே அணி, ரவீந்திர ஜடேஜாவின் கேப்டன்சியில் முதல் 4 போட்டிகளிலும் தோல்வியை தழுவிய நிலையில், 5வது போட்டியில் முதல் வெற்றியை பெற்றது. 

இந்நிலையில், இன்று குஜராத் டைட்டன்ஸுக்கு எதிராக 2வது வெற்றியை பதிவு செய்யும் முனைப்பில் சிஎஸ்கே அணியும், வெற்றிப்பயணத்தை தொடரும் முனைப்பில் குஜராத் டைட்டன்ஸ் அணியும் களமிறங்கியுள்ளன.

புனேவில் நடக்கும் இந்த போட்டியில் டாஸ் வென்ற குஜராத் டைட்டன்ஸ் அணி ஃபீல்டிங்கை தேர்வு செய்துள்ளது. இந்த போட்டிக்கான சிஎஸ்கே அணியில் எந்த மாற்றமும் செய்யப்படவில்லை. கடந்த போட்டியில் ஆடிய அதே ஆடும் லெவன் காம்பினேஷனுடன் தான் களமிறங்கியுள்ளது.

சிஎஸ்கே அணி:

ராபின் உத்தப்பா, ருதுராஜ் கெய்க்வாட், மொயின் அலி, அம்பாதி ராயுடு, ஷிவம் துபே, ரவீந்திர ஜடேஜா (கேப்டன்), தோனி (விக்கெட் கீப்பர்), ட்வைன் பிராவோ, கிறிஸ் ஜோர்டான், மஹீஷ் தீக்‌ஷனா, முகேஷ் சௌத்ரி.

குஜராத் டைட்டன்ஸ் அணி:

மேத்யூ வேட் (விக்கெட் கீப்பர்), ஷுப்மன் கில், விஜய் சங்கர், ஹர்திக் பாண்டியா (கேப்டன்), டேவிட் மில்லர், அபினவ் மனோகர், ராகுல் டெவாட்டியா, ரஷீத் கான், லாக்கி ஃபெர்குசன், முகமது ஷமி, யஷ் தயால்.

குஜராத் டைட்டன்ஸ் அணியில் 2 மாற்றங்கள் செய்யப்பட்டுள்ளன. விக்கெட் கீப்பரும் தொடக்க வீரருமான மேத்யூ வேடுக்கு பதிலாக ரிதிமான் சஹா சேர்க்கப்பட்டுள்ளார். கேப்டன் ஹர்திக் பாண்டியா காயம் காரணமாக ஆடவில்லை. அவருக்கு பதிலாக அல்ஸாரி ஜோசாஃப் சேர்க்கப்பட்டுள்ளார். ரஷீத் கான் இந்த போட்டியில் குஜராத் அணியை வழிநடத்துகிறார்.

குஜராத் டைட்டன்ஸ் அணி:

ரிதிமான் சஹா (விக்கெட் கீப்பர்), ஷுப்மன் கில், விஜய் சங்கர், டேவிட் மில்லர், அபினவ் மனோகர், ராகுல் டெவாட்டியா, ரஷீத் கான் (கேப்டன்), அல்ஸாரி ஜோசஃப், லாக்கி ஃபெர்குசன், யஷ் தயால், முகமது ஷமி.