குஜராத் டைட்டன்ஸ் மற்றும் ராஜஸ்தான் ராயல்ஸ் அணிகளுக்கு இடையேயான முதல் தகுதிப்போட்டியில் களமிறங்கும் இரு அணிகளின் உத்தேச ஆடும் லெவனை பார்ப்போம்.
ஐபிஎல் 15வது சீசன் இறுதிக்கட்டத்தை எட்டிவிட்டது. குஜராத் டைட்டன்ஸ், ராஜஸ்தான் ராயல்ஸ், லக்னோ சூப்பர் ஜெயிண்ட்ஸ் மற்றும் ஆர்சிபி ஆகிய 4 அணிகளும் பிளே ஆஃபிற்கு முன்னேறின.
புள்ளி பட்டியலில் முதலிரண்டு இடங்களில் இருக்கும் குஜராத் டைட்டன்ஸ் மற்றும் ராஜஸ்தான் ராயல்ஸ் அணிகளுக்கு இடையேயான முதல் தகுதிச்சுற்று போட்டி கொல்கத்தா ஈடன் கார்டனில் இன்று நடக்கிறது.
இந்த போட்டியில் வெற்றி பெறும் அணி நேரடியாக ஃபைனலுக்கு முன்னேறும் என்பதால், இரு அணிகளுமே வெற்றி பெற்று ஃபைனலுக்கு முன்னேறும் முனைப்பில் தான் களமிறங்கும். ஆனால் தோற்கும் அணிக்கு ஃபைனலுக்கு முன்னேற மற்றொரு வாய்ப்பு கிடைக்கும். இந்த போட்டியில் தோற்கும் அணி, எலிமினேட்டரில் ஜெயிக்கும் அணியுடன் 2வது தகுதிப்போட்டியில் மோதும். அதில் ஜெயித்தால் ஃபைனலுக்கு முன்னேறலாம்.
இன்று கொல்கத்தா ஈடன் கார்டனில் நடக்கும் இந்த தகுதிப்போட்டியில் களமிறங்கும் இரு அணிகளின் உத்தேச ஆடும் லெவனை பார்ப்போம்.
உத்தேச குஜராத் டைட்டன்ஸ் அணி:
ரிதிமான் சஹா (விக்கெட் கீப்பர்), ஷுப்மன் கில், மேத்யூ வேட், ஹர்திக் பாண்டியா (கேப்டன்), டேவிட் மில்லர், ராகுல் டெவாட்டியா, ரஷீத் கான், சாய் கிஷோர், லாக்கி ஃபெர்குசன், யஷ் தயால், முகமது ஷமி.
உத்தேச ராஜஸ்தான் ராயல்ஸ் அணி:
யஷஸ்வி ஜெய்ஸ்வால், ஜோஸ் பட்லர், சஞ்சு சாம்சன் (கேப்டன், விக்கெட் கீப்பர்), தேவ்தத் படிக்கல், ஷிம்ரான் ஹெட்மயர், ரியான் பராக், ரவி அஷ்வின், டிரெண்ட் போல்ட், பிரசித் கிருஷ்ணா, யுஸ்வேந்திர சஹால், ஒபெட் மெக்காய்.