பெங்களூருவில் நிகழ்ந்த சம்பவம்: அனுஷ்கா சர்மா சோகம்!

Bengaluru Chinnaswamy Stadium stamped : சின்னசாமி மைதானத்திற்கு வெளியே நிகழ்ந்த நெரிசல் சம்பவம் குறித்து நடிகை அனுஷ்கா சர்மா சோகத்தை வெளிப்படுத்தியுள்ளார். 

Bengaluru Chinnaswamy Stadium stamped : பெங்களூருவில் நடைபெற்ற RCBயின் IPL வெற்றிக் கொண்டாட்டத்தின்போது, ​​M. சின்னசாமி மைதானத்திற்கு அருகே நிகழ்ந்த நெரிசலில் 11 பேர் உயிரிழந்தனர். இந்தச் சம்பவம் குறித்து கிரிக்கெட் வீரர் விராட் கோலியின் மனைவியும் நடிகையுமான அனுஷ்கா சர்மா, RCBயின் அதிகாரப்பூர்வ அறிக்கையை மறுபதிவு செய்துள்ளார். அந்த அறிக்கையில், “இன்று பிற்பகல் அணியின் வருகையை எதிர்பார்த்து பெங்களூரு முழுவதும் பொதுமக்கள் கூட்டமாகக் கூடியதால் ஏற்பட்ட துரதிர்ஷ்டவசமான சம்பவங்கள் குறித்த ஊடக செய்திகள் மூலம் நாங்கள் மிகவும் வேதனை அடைந்துள்ளோம். அனைவரின் பாதுகாப்பும் நலனும் எங்களுக்கு மிகவும் முக்கியம். உயிரிழந்தவர்களின் குடும்பங்களுக்கு RCB ஆழ்ந்த இரங்கலைத் தெரிவித்துக் கொள்கிறது.”

“நிலைமையை அறிந்தவுடன், எங்கள் நிகழ்ச்சியை உடனடியாக மாற்றியமைத்து, உள்ளூர் நிர்வாகத்தின் வழிகாட்டுதலையும் ஆலோசனையையும் பின்பற்றினோம். எங்கள் அனைத்து ஆதரவாளர்களும் தயவுசெய்து பாதுகாப்பாக இருக்குமாறு கேட்டுக்கொள்கிறோம்,” என்று அந்த அறிக்கையில் மேலும் கூறப்பட்டுள்ளது.

உடைந்த இதய ஈமோஜிகளுடன் அனுஷ்கா இந்தப் பதிவை வெளியிட்டுள்ளார்.  

பெங்களூரு நெரிசல் குறித்து விராட் கோலி மௌனம் உடைத்தார்

நெரிசலில் உயிரிழந்தவர்கள் மற்றும் காயமடைந்தவர்கள் குறித்து RCB நட்சத்திர பேட்ஸ்மேன் விராட் கோலியும் இரங்கல் தெரிவித்தார். “வார்த்தைகளால் விவரிக்க முடியாத அளவுக்கு மனம் உடைந்து போயுள்ளேன்,” என்று அவர் இன்ஸ்டாகிராமில் பதிவிட்டுள்ளார்.

இந்தச் சம்பவத்திற்குப் பிறகு, கர்நாடக முதல்வர் சித்தராமையா செய்தியாளர் சந்திப்பில் பேசுகையில், நெரிசலில் 11 பேர் உயிரிழந்தனர், 33 பேர் காயமடைந்தனர் என்றார். காயமடைந்தவர்களுக்கு அரசு இலவச சிகிச்சை அளிக்கும் என்றும் முதல்வர் சித்தராமையா தெரிவித்தார். “வெற்றிக் கொண்டாட்டத்தின்போது ஒரு பெரிய துயரம் நிகழ்ந்தது. இது சின்னசாமி மைதானத்திற்கு அருகே நடந்தது. உயிரிழந்தவர்களுக்கு ரூ.10 லட்சம் இழப்பீடு வழங்குவதாக அரசு அறிவித்துள்ளது. காயமடைந்தவர்களுக்கு அரசு இலவச சிகிச்சை அளிக்கும்.”