தமிழகத்தில் நெம்பர் ஒன் பணக்காரர் சன் குழுமம் கலாநிதி மாறன்..!! எத்தனை கோடிக்கு அதிபதி தெரியுமா...??

தமிழக கோடீஸ்வரர்கள் பட்டியலில் சன் குழுமத்தின் தலைவர்  கலாநிதி மாறனுக்கு முதலிடம் கிடைத்துள்ளதாக தகவல் வெளியாகியுள்ளது . உலகளவில்  பணக்காரர்களின் பட்டியல் ,  இந்திய அளவில் பணக்காரர்களின் பட்டியல் என வெளியாக்கி வரும் நிலையில்,  தமிழக அளவில் யார் பணக்காரர் என்ற பட்டியலும் தற்போது வெளியாகியுள்ளது .  தமிழகத்தில் சுமார் 1000 கோடிக்கு மேல் சொத்து மதிப்புடன் உள்ளவர்கள் பட்டியலை தனியார் நிறுவனம் ஒன்று வெளியிட்டுள்ளது ,

அதாவது ஹாருன் ரிப்போர்ட்ஸ் இந்தியா மற்றும்  ஐஐஃஎப்எல்  வெல்த் நிறுவனம் அந்த நிறுவனம் பட்டியல் ஒன்றை வெளியிட்டுள்ளது , அதில்  சன் நெட்வொர்க்கின் உரிமையாளரும் சன் குழுமத்தின் தலைவருமான கலாநிதி மாறன் சுமார் 19 ஆயிரத்து 100 கோடி ரூபாய் சொத்து மதிப்புடன் முதலிடத்தில் உள்ளதாக நிறுவனம் தகவல் வெளியிட்டுள்ளது .  அதேபோல் இந்திய அளவில் கலாநிதி மாறனுக்கு 43வது  இடம் கிடைத்துள்ளது .  கோடீஸ்வரர்களின் பட்டியலில் இடம் பிடித்து உள்ளவர்களில் பெரும்பாலானோர் , ஆதாவது  62 சதவீதம் பேர் சென்னையில் வசிப்பவர்களாக உள்ளனர். அதற்கு அடுத்தபடியாக கோவையில் 12 பேரும் ,  திருப்பூரிலிருந்து 4 பேரும் சேலத்தில் மூன்று பேரும் பெரும் பணக்காரர்கள் பட்டியலில் இடம் பிடித்துள்ளனர் . 

முதலிடம் பிடித்துள்ள கலாநிதிமாறனையடுத்து சோஹோ செக்யூரிட்டி நிறுவனத்தில் வெம்பு ராதா 9 ஆயிரத்து 900 கோடி ரூபாய் மதிப்புடன் இரண்டாவது இடத்திலும் வேம்பு சேகர் 7,300 கோடி ரூபாய் சொத்து மதிப்புடன்  மூன்றாவது இடத்தையும் பிடித்துள்ளனர் .  போத்தீஸ் நிறுவனத்தின் சடையாண்டி மூப்பனார்  7,100 கோடி ரூபாய் மதிப்புடன் நான்காவது இடத்தை பிடித்துள்ளார் .  அதேபோல் ஹட்சன் அக்ரோ ப்ராடக்ட் இன் (ஆரோக்கியா பால் , அருண் ஐஸ் கிரீம் சந்திரமோகன்-  7 ஆயிரம் கோடி ரூபாய் சொத்து மதிப்புடன் ஐந்தாவது இடத்தை பிடித்துள்ளார்.  கவின்கேரின் சி.கே ரங்கநாதன் 6வது இடத்தை பிடித்துள்ளார் , இவரின்  சொத்து மதிப்பு 5 ஆயிரத்து 300 கோடியாக உள்ளது என்பது குறிப்பிடத்தக்கது