தங்க தமிழ்ச்செல்வன் சவாலை ஏற்ற ஓபிஎஸ்-இபிஎஸ்.. அதிமுகவில் தொடரும் களையெடுப்பு..!
சுருக்கம்
dinakaran supporters removed from party posting
தகுதிநீக்கம் செய்யப்பட்ட தினகரன் ஆதரவு எம்.எல்.ஏக்களில் 9 பேர் கட்சி பொறுப்புகளிலிருந்து அதிரடியாக நீக்கப்பட்டுள்ளனர்.
ஆர்.கே.நகரில் தினகரனிடம் படுதோல்வியை சந்தித்ததன் எதிரொலியாக, தினகரனின் ஆதரவு கட்சி நிர்வாகிகள் பலர், அதிமுகவிலிருந்து அதிரடியாக நீக்கப்பட்டு வருகின்றனர். ஏற்கனவே புகழேந்தி, நாஞ்சில் சம்பத், கலைராஜன், சி.ஆர்.சரஸ்வதி உள்ளிட்ட தினகரனின் ஆதரவாளர்களை கட்சியிலிருந்து நீக்கிய பழனிசாமியும் பன்னீர்செல்வமும், மேலும் 164 பேர் கட்சியின் பொறுப்பிலிருந்தும் அடிப்படை உறுப்பினர் பொறுப்பிலிருந்தும் நீக்கப்பட்டனர்.
இதையடுத்து தினகரனின் ஆதரவாளரும் தகுதிநீக்கம் செய்யப்பட்ட எம்.எல்.ஏவுமான தங்க தமிழ்ச்செல்வன், மாவட்ட நிர்வாகிகளை நீக்கும் பழனிசாமியும் பன்னீர்செல்வமும், தைரியம் இருந்தால் தகுதிநீக்கம் செய்யப்பட்ட தினகரன் ஆதரவு 18 எம்.எல்.ஏக்களை கட்சி பொறுப்புகளிலிருந்து நீக்கட்டும் என சவால் விடுத்தார்.
